പൊറോട്ടയടിക്കുന്ന കോളജ് കുമാരി!

ബികോം രണ്ടാം വർഷക്കാരിയായ മിറിൻഡ കഷ്ടപ്പെട്ടു പഠിച്ചെടുത്തതാണു പൊറോട്ടയടി. വനിതകളാരും കൈ വയ്ക്കാത്ത തൊഴിൽ കണ്ടെത്തി താരമാകണമെന്ന ലക്ഷ്യമൊന്നും മിറിൻഡയ്ക്കില്ല. കഷ്ടപ്പെടുന്ന അമ്മയ്ക്കും ചെറിയമ്മയ്ക്കും ഒരു കൈസഹായം; അത്രേയുള്ളൂ.

- 

വെറുതെ ഒരു രസത്തിനു ചെയ്തു നോക്കിയതാണ് എന്നൊക്കെ പറയണമെന്നുണ്ട്. പക്ഷേ, സത്യം അതല്ല. കടയിൽ വേറൊരാൾക്കു കൊടുക്കാൻ പൈസയില്ലാത്തോണ്ട് ഞാൻ പഠിച്ചെടുക്കാൻ തീരുമാനിച്ചതാണു പൊറോട്ട അടിക്കൽ...'' - തൃശൂർ ജില്ലയിൽ വടക്കാഞ്ചേരി - കുന്നംകുളം റോഡിൽ കുമ്പളങ്ങാട് വനിത തട്ടുകടയിൽ പൊറോട്ട അടിക്കുന്ന തിരക്കിനിടെ മിറിൻഡ പറയുന്നതു ജീവിതത്തെ