ആയുസ്സും ആരോഗ്യവും കൂട്ടാൻ കൂട്ടായ്മകൾ!

കൂട്ടായ്മയെന്നു കേൾക്കുമ്പോൾ ചിലർക്കു ഭാരവാഹി ചമഞ്ഞ് വിലസാനുള്ള ഒരിടമെന്നല്ലേ തോന്നുക. എന്നാൽ നമ്മുടെ കൂട്ടായ്മ, ചുറ്റുവട്ടത്തുള്ള വീടുകളിലെ മുതിർന്ന പൗരന്മാർക്ക് അത്യാവശ്യം പറഞ്ഞും സമയം കളയാനുള്ള സംവിധാനം മാത്രമാണ്. ഒന്നിച്ചൊരു ഈവനിങ് വോക്കെങ്കിലും നടത്താൻ പറ്റിയാൽ അത്രയെങ്കിലും ആയില്ലേ?

- 

സർവീസിൽനിന്നു വിരമിച്ചുവെന്നതിന്റെ പേരിൽ ഇനി യാരും വീട്ടിൽ ഒതുങ്ങിയിരിക്കരുത്. അങ്ങനെ ഇരുന്നാൽ ദോഷം അവർക്കു തന്നെ. പെട്ടെന്നു വയസ്സനാകും, അവശനാകും, രോഗിയാകും. ആർക്കാണു രോഗിയാകാൻ മോഹമുണ്ടാകുക?