പാഴ്ഭൂമിയെ മെരുക്കിയ പെൺ കരുത്ത്

പതിനാറാമത് കർഷകശ്രീയെ കണ്ടെത്താനുള്ള അന്വേഷണം പ്രഗല്ഭരായ അഞ്ച് കൃഷിക്കാരിലേക്ക് ചുരുങ്ങിയപ്പോൾ സംയോജിതസമ്മിശ്രകൃഷിയും സുസ്ഥിര ഉൽപാദനമാർഗങ്ങളും തന്നെയാണ് കാർഷികകേരളത്തെ വഴിനടത്തുന്നതെന്ന് വ്യക്തമായി. പ്രകൃതിവിഭവങ്ങളെ പരമാവധി പ്രയോജനപ്പെടു ത്തിയും വിളവൈവിധ്യം മെച്ചപ്പെടുത്തിയും കൃഷി ചെയ്യുന്ന തിനൊപ്പം വാണിജ്യാടിസ്ഥാനത്തിലുള്ള ഫലവർഗക്ക്യഷി ചെയ്യുന്നവരും ഓൺലൈൻ വിപണനസാധ്യതകൾ പ്രയോജനപ്പെടുത്തുന്നവരുമാണ് മുൻനിര കർഷകരിലേറെയും. ചെലവ് കുറഞ്ഞ പാരമ്പര്യകൃഷിരീതികൾക്ക് സ്വീകാര്യത വർധിക്കുന്നതായും കാണാം. അവരുടെ വിജയവഴികളിലൂടെ

- 

കുടയും ചൂടി വരമ്പത്തു നിൽക്കുന്ന കൃഷിക്കാരിയല്ല ഭുവനേശ്വരി. ജോലിക്കാരോടൊപ്പം ചേറിലിറങ്ങി പണിയെടുക്കുകയും ഉച്ചയ്ക്ക് അവരോടൊപ്പം ഭക്ഷണം കഴിച്ചശേഷം പാടത്തിനു നടുവിലെ കുടിലിൽ വിശ്രമിക്കുകയും ചെയ്യുന്ന തനി കൃഷിക്കാരി. വിദേശത്തും ഊട്ടിയിലുമൊക്കെ മക്കളോടൊപ്പം ആഘോഷമായി ജീവിക്കാൻ സാഹചര്യമുള്ളപ്പോഴാണ് കാലിൽ ചേറു പുരളാനു