നൂറു തികയുന്ന മഗ്ദലനമറിയം

പാപം തിന്നുകയും പാപം കുടിക്കുകയും പാപം വാരിപ്പൂശുകയും ചെയ്യുന്നവരല്ല പാപം കഴുകിക്കളയുന്നവരാണു പുതിയ കാലത്തിനാവശ്യം എന്ന പ്രഖ്യാപനമാണു മഗ്ദലനമറിയത്തിലൂടെ വള്ളത്തോൾ നടത്തിയത്. വള്ളത്തോളിന്റെ മഗ്ദലനമറിയത്തിനു നൂറു തികയുന്ന വേളയിൽ ആ ഖണ്ഡകാവ്യരചനയ്ക്ക് മഹാകവിയെ പ്രേരിപ്പിച്ച സാഹചര്യങ്ങളെക്കുറിച്ച് ഒരന്വേഷണം.

- ഡോ. കുര്യാസ് കുമ്പളക്കുഴി

മഹാകവി വള്ളത്തോളിന്റെ മഗ്ദലന മറിയത്തിനു നൂറു തികയുന്നു. 1921 ൽ ആണ് ഇക്കാവ്യത്തിന്റെ ആദ്യപതിപ്പ് വെളിയിൽ വന്നത്. ഏറെ ജനപ്രീതി നേടിയ മഗ്ദലനമറിയം ഒട്ടേറെ വിവാദങ്ങൾക്കും വിഷയമായി. നാളതുവരെ മലയാളത്തിലെ പ്രമുഖ കവികളിലാരും തന്നെ ക്രിസ്തവവിഷയങ്ങൾ സ്വീകരിച്ചു കാവ്യരചനയ്ക്ക് മുതിർന്നിരുന്നില്ല. അതുകൊണ്ടു മഹാകവിയുടെ മഗ്ദലനമറിയം !