അടിപൊളി യക്ഷി

സുമതി വളവ് എന്ന ചിത്രത്തിലൂടെ മലയാളികളുടെ മനസ്സു കീഴടക്കിയ യക്ഷി, ജസ്‌ന്യ ജയദീഷിന്റെ വിശേഷങ്ങൾ

- അഞ്ജലി അനിൽകുമാർ

ആ മതി ഞാനാണ്

സുമതി വളവിലെ മതിയെന്ന കഥാപാത്രം ഏറെ പ്രിയപ്പെട്ടതാണ്. ഞാനാണു മതി എന്നു പലരും തിരിച്ചറിഞ്ഞതേയില്ല. സിനിമയിൽ എന്റെ ലുക്ക് വളരെ വ്യത്യസ്തമാണ്. സംവിധായകൻ വിഷ്ണു ചേട്ടനും തിരക്കഥാകൃത്ത് അഭിലാഷേട്ടനുമായി ഏറെ വർഷത്തെ പരിചയമുണ്ട്. അങ്ങനെയാണ് സിനിമയിലേക്ക് എന്നെ ക്ഷണിക്കുന്നത്.

മറയൂരും വാളയാറുമായിട്ടായിരുന്നു എന്റെ ഭാഗങ്ങൾ ചിത്രീകരിച്ചത്. ഷോട്ടുകളധികവും എടുത്തതു രാത്രിയാണ്. ഹൊറർ സിനിമകളുടെ സെറ്റിൽ പാരാനോർമൽ അനുഭവങ്ങൾ ഉണ്ടാകാറുണ്ടെന്നു കേട്ടിട്ടുണ്ട്. ഷൂട്ടിനിടയിൽ അപരിചിതമായ ശബ്ദങ്ങളും അലർച്ചയും കേൾക്കുന്നതു പതിവായിരുന്നു. ഒരു ദിവസം ഷോട്ടിനിടയിൽ സുമതി എന്നു പറഞ്ഞപ്പോൾ കാറ്റു വീശുകയും നിലവിളക്കു കെടുകയും ചെയ്തു.

ഇതൊക്കെ മനസ്സിന്റെ തോന്നൽ മാത്രമാണന്നറിയാം. കേട്ടിരുന്ന അലർച്ചകൾ വന്യമൃഗങ്ങളുടേതായിരുന്നെന്നും പിന്നീട് മനസ്സിലായി.

നൃത്തമാണ് ജീവൻ