വിരൽത്തുമ്പിലെ കരുതൽ

നഖങ്ങൾക്കു വേണം കൃത്യമായ പരിചരണവും ശ്രദ്ധയും

- 

പാടുകളില്ലാത്ത തിളക്കമുള്ള നഖങ്ങൾ സൗന്ദര്യത്തിന്റെ മാത്രമല്ല ആരോഗ്യത്തിന്റെയും സിംബലാണ്. നെയിൽ പോളിഷ് അണിഞ്ഞു നിറം നൽകാം, ജെൽ നെയിൽ എക്സ്റ്റെഷൻസ് വച്ചു ഭംഗി കൂട്ടാം എന്നതെല്ലാം “ക്വിക് ഫിക്സസ്' മാത്രമാണ്. നഖത്തിന്റെ സ്വാഭാവികമായ "ഓജസ്സിനും തേജസ്സിനും പതിവായുള്ള പരിചരണം വേണം.

വേണ്ട കരുതൽ നൽകിയില്ലെങ്കിൽ നഖങ്ങൾ എളുപ്പം പൊട്ടാനും നഖത്തിൽ പാടുകളും വരകളും വീഴാനും സാധ്യതയുണ്ട്. നഖങ്ങളുടെ ആരോഗ്യത്തിനായി ശ്രദ്ധിക്കേണ്ട ചില കാര്യങ്ങളിതാ...

കെയർ റുട്ടീൻ വേണം

നഖമാകട്ടെ, മുഖമാകട്ടെ കൃത്യമായ പരിചരണമാണ് അവയുടെ ഭംഗി കാക്കുന്നത്. നഖം എപ്പോഴും വൃത്തിയായും ഈർപ്പമില്ലാതെയും സൂക്ഷിക്കാം.

കുളിച്ചു കഴിഞ്ഞു വന്നാൽ ഈർപം മാറ്റിയശേഷം നഖത്തിൽ മോയിസ്ചറൈസിങ് ക്രീം പുരട്ടാം. നഖങ്ങൾക്ക് പോഷകം നൽകാനും ഇതു നല്ലതാണ്.

എന്നും രാത്രി അൽപം വെളിച്ചെണ്ണ പുരട്ടി മൂന്നു മിനിറ്റ് മസാജ് ചെയ്യാം. ഇതു നഖം പൊട്ടിപ്പോകുന്നതു തടയാനും രക്തയോട്ടം കൂട്ടാനും സഹായിക്കും.

നഖത്തിന്റെ വളർച്ചയ്ക്ക് ആഴ്ചയിൽ ഒരിക്കൽ കറ്റാർ വാഴ ജെൽ നഖങ്ങളിൽ പുരട്ടാം. 10 - 15 മിനിറ്റിനു ശേഷം കഴുകാം.

രണ്ടാഴ്ച കൂടുമ്പോൾ ഒലിവ് ഓയിൽ - നാരങ്ങാനീര് മിശ്രിതം കൈകാലുകളിലെ നഖങ്ങളിൽ പുരട്ടിക്കോളൂ. ബലവും വൃത്തിയും തിളക്കവും ലഭിക്കും.

നഖത്തിന്റെ ആരോഗ്യം മോശമാകുന്നതായി തോന്നിയാൽ വൈറ്റമിൻ ഇ കാപ്സൾ പൊട്ടിച്ച് നഖത്തിൽ പുരട്ടാം. നല്ല മോയിസ്ചറൈസർ കൂടിയാണിത്.

ഈർപം വേണം. പക്ഷേ...