നായകനാകുന്ന ജയ്സന്റെ ചേട്ടൻ

'തണ്ണീർ മത്തൻ ദിനങ്ങളി'ൽ തിരക്കഥാകൃത്ത് കൂടിയായിരുന്ന 'ജെയ്സന്റെ ചേട്ടൻ ‘വിശുദ്ധ മെജോ' എന്ന പുതിയ സിനിമയിൽ നായകനാകുമ്പോൾ

- അമ്മു ജൊവാസ്

പാളിച്ചയറിഞ്ഞ്...

വർഷങ്ങൾക്ക് മുൻപ് ഞാനെഴുതിയ ഒരു ത്രില്ലർ സിനിമയുടെ സ്ക്രിപ്റ്റുമായി പൃഥ്വിരാജിനെ കാണാൻ പോയി. നാലഞ്ച് സെറ്റുകളിൽ കയറിയിറങ്ങിയ ശേഷമാണ് കഥയുടെ വൺ ലൈൻ അവതരിപ്പിക്കാൻ ഒരവസരം കിട്ടിയത്. പക്ഷേ, പൃഥ്വിരാജിന്റെ “ഓക്കെ കിട്ടിയില്ല. ആ സ്ക്രിപ്ട് ഇപ്പോൾ വായിക്കുമ്പോൾ അത്ര ത്രില്ലിങ്ങല്ല എന്നു തോന്നാറുണ്ട്.

 വിജയിക്കാത്ത സിനിമകളാണ് ഞാൻ കൂടുതൽ കാണുന്നത്. എവിടെയാകും സിനിമ പാളിയിട്ടുണ്ടാകുക എന്നു മനസ്സിലാക്കിയാലല്ലേ ആ തെറ്റുകൾ വരുത്താതെ സിനിമ ചെയ്യാനാകൂ. അങ്ങനെയങ്ങനെയാണ് എന്റെ എഴുത്തു മെച്ചപ്പെട്ടതും.

ലക്ഷ്യം അതുമാത്രം

ഞാൻ ഫെയ്സ്ബുക്കിലിടുന്ന പോസ്റ്റുകൾക്കും ട്രോളുകൾക്കും കയ്യടി കിട്ടുമായിരുന്നു. തിരക്കഥയെഴുത്തിന്റെ ആദ്യ സ്പാർക്കും അതാണ്. പക്ഷേ, സ്ക്രിപ്റ്റ് റൈറ്റർ ആ കാൻ സിനിമയിലെത്തിയ ആള ല്ല ഞാൻ. അന്നുമിന്നും മോഹം അഭിനയമാണ്. നായകനു കിട്ടുന്ന ഫെയിം അല്ല, നല്ല നടനാകണം എന്നു മാത്രമാണ് ലക്ഷ്യം.

വർഷം 11 ആയി