അവധിക്കാലം പ്രായോഗിക അറിവുകളുടേത്!!!

ഈ അവധിക്കാലത്ത് അതിൽ നിന്നും മാറി കുറെ പ്രായോഗികമായ അറിവുകളാക്കിയാലോ?

- ഡോ. അബേഷ് രഘുവരൻ ഫോൺ : 9946199199

അങ്ങനെ കൂട്ടുകാർ കാത്തിരുന്ന വെക്കേഷൻ എത്തി. ഇനി രണ്ടുമാസം അവധിക്കാലം ആസ്വദിക്കാം. പക്ഷേ, എങ്ങനെയാണ് നാം വെക്കേഷൻ ചെലവഴിക്കാൻ പോകുന്നത്? അത് പ്രധാനപ്പെട്ട ഒരു ചോദ്യമാണ് കേട്ടോ. സാധാരണയായി ടി വി, മൊബൈൽ ഫോണിൽ സോഷ്യൽ മീഡിയയിലെ കാഴ്ചകൾ കാണൽ, വീഡിയോ ഗെയിംസ് എന്നിങ്ങനെ നമ്മുടെ കണ്ണും സമയവും അപഹരിക്കുന്ന കാര്യങ്ങളിലേക്കാവും നമ്മുടെ താൽപര്യങ്ങൾ സഞ്ചരിക്കുക. എന്നാൽ ഈ അവധിക്കാലത്ത് അതിൽ നിന്നും മാറി കുറെ പ്രായോഗികമായ അറിവുകളാക്കിയാലോ?

സി.പി.ആർ.(Cardiopulmonary Resuscitation)

നമുക്കൊപ്പം നിൽക്കുന്ന ഒരാൾ പെട്ടെന്ന് കുഴഞ്ഞു വീഴുകയാണെങ്കിൽ നിങ്ങൾ എന്തുചെയ്യും? പെട്ടെന്ന് ആശുപത്രിയിൽ എത്തിക്കാ ൻ ശ്രമിക്കും എന്നായിരിക്കും ഉത്തരം. എന്നാൽ ആശുപത്രിയിലേക്ക് കൊണ്ടുപോ കുന്നതിനു മുമ്പ് ചില പ്രഥ മശുശ്രൂഷകൾ നാം അറിഞ്ഞി രുന്നാൽ, അത് പ്രയോഗിക്കുവാൻ കഴിഞ്ഞാൽ നമുക്ക് വിലപ്പെട്ട ഒരു ജീവൻ രക്ഷിക്കുവാനാകും. നമ്മുടെ ജീവിതരീതി മാറിയതനുസരിച്ച് കാർഡിയാക് അറസ്റ്റ് പോലെയുള്ള സംഭവങ്ങൾ ഇന്ന് സർവസാധാരണമായി മാറിയിരിക്കുന്നു. അതുകൊണ്ടു തന്നെ സി.പി.ആർ. (Cardio pulmonary Resuscitation) നാമെല്ലാവരും അറിഞ്ഞിരിക്കുന്നത് നല്ലതാണ്.

കാർഡിയാക് അറസ്റ്റ് ഉണ്ടാകുന്നതിന്റെ പ്രധാനപ്പെട്ട ഒരു കാരണമാണ് ഹാർട്ട് അറ്റാക്ക്. കാർഡിയാക് അറസ്റ്റ് ഉണ്ടാകുന്നതു മൂലം നമ്മുടെ വിവിധ അവയവങ്ങളിലേക്കുള്ള രക്തത്തിന്റെ ഒഴുക്ക് നിലയ്ക്കും. ഇങ്ങനെ സംഭവിച്ചാൽ ഏതാണ്ട് അഞ്ചു മിനിട്ടു മുതൽ എട്ടു മിനിട്ടിനുള്ളിൽ തന്നെ തലച്ചോറിലേക്കുള്ള രക്തപ്രവാഹവും നിലയ്ക്കും. ഈ അവസ്ഥക്ക് മസ്തിഷ്കമരണം എന്നും പറയുന്നു. ഇത്തരത്തിൽ ഉണ്ടാകുന്ന മസ്തിഷ്കമരണം തടയുവാനുള്ള ഏറ്റവും എളുപ്പവും പ്രായോഗികവുമായ മാർഗ്ഗ മാണ് സി.പി.ആർ. (Cardio pulmonary Resuscitation).

ചെയ്യുന്നതെങ്ങനെ?

1. ബോധം ഉണ്ടോയെന്ന് പരിശോധിക്കുക - വീണുകിടക്കുന്ന ആളുടെ മുതുകിൽ തട്ടിക്കൊണ്ട് ബോധമുണ്ടോ എന്ന് നോക്കുകയാണ് ആദ്യം വേണ്ടത്. ബോധമുണ്ട് എങ്കിൽ അയാൾക്ക് വെള്ളവും ആവശ്യത്തിന് വിശ്രമവും നൽകിയതിനുശേഷം ആശു പത്രിയിലേക്ക് കൊണ്ടുപോകാവുന്നതാണ്.