പരിസ്ഥിതിയിലേക്കു വളർന്ന ഇന്ത്യൻ ഭരണഘടന

ഭരണഘടനയും നിയമങ്ങളും പരിസ്ഥിതി സംരക്ഷണത്ത സമീപിക്കുന്നതെങ്ങനെയെന്ന് പരിശോധിക്കുന്നു. പരിസ്ഥിതി സംരക്ഷണത്തിൽ ജുഡീഷ്യൽ വിധികളുടെ പങ്കിനെക്കുറിച്ച് വിശദീകരിക്കുന്നു. ജുഡീഷ്യൽ ആക്ടിവിസത്തിന്റെ വെല്ലുവിളികളും മുന്നോട്ടുള്ള വഴികളും എന്തെന്ന് വിശദമാക്കുന്നു.

- അഡ്വ. ഹരീഷ് വാസുദേവൻ

പരിസ്ഥിതി സംരക്ഷണം അത്യന്താപേക്ഷിതമായ ഒരു കാലഘട്ടത്തിലൂടെയാണ് മാനവരാശി കടന്നുപോകുന്നത്. അവിടെയാണ് ലോകത്തിലെ 18% ജനസംഖ്യയ്ക്ക് വസിക്കാൻ ആകെയുള്ളതിന്റെ 2% മാത്രം ഭൂമിയുള്ള ഇന്ത്യ ഒരു പ്രതിസന്ധി നേരിടുന്നത്. ഇന്ത്യയെന്ന രാജ്യത്തിന്റെ ഭരണഘടനയും നിയമങ്ങളും എങ്ങനെയാണു പരിസ്ഥിതി സംരക്ഷണത്തെ സമീപിക്കുന്നത് എന്ന വിഷയമാണ് ഇവിടെ പരിശോധിക്കുന്നത്.

ഭരണഘടനയ്ക്ക് മുമ്പുള്ള സ്ഥിതി

1860 ലെ ഇന്ത്യൻ പീനൽ കോഡിൽ നിന്നാണ് നിയമനിർമ്മാണത്തിന്റെ ചരിത്രം ആരംഭിച്ചത്. 268-ാം വകുപ്പ് പൊതു ശല്യം എന്താണെന്ന് നിർവചിച്ചു. Cr.PC. യുടെ സെക്ഷൻ 133 മുതൽ 144 വരെ പൊതുശല്യം കുറയ്ക്കുക എന്ന ലക്ഷ്യത്തോടെ തയ്യാറാക്കിയ വകുപ്പുകളാണ്. ഇവ നിരോധന വ്യവസ്ഥകൾ മാത്രമാണ്. ഇന്ത്യൻ ശിക്ഷാനിയമത്തിലെ 269 മുതൽ 278 വരെയുള്ള വകുപ്പുകൾ ശിക്ഷാ വ്യവസ്ഥകളാണ്, അതായത്, ഏതെങ്കി ലും വ്യവസ്ഥകൾ ലംഘിച്ചതിന് കുറ്റക്കാരനായ ഒരാൾ പ്രോസിക്യൂഷ നും ശിക്ഷയ്ക്കും വിധേയനാണ്. അത്ര പ്രാധാന്യമേ അന്ന് പരിസ്ഥിതിയ്ക്ക് ഉണ്ടായിരുന്നുള്ളൂ. ഇന്ത്യ സ്വാതന്ത്യം നേടിയശേഷം മലിനീകരണത്തിനെതിരായ നിയമനിർമ്മാണത്തിനു വേണ്ടിയുള്ള പോരാട്ടം തുടർന്നു.

ഭരണഘടനയിൽ പരിസ്ഥിതി സംരക്ഷണം