மாகாண சபைத் தேர்தலை நடத்துமாறு தொடர்ந்து வலியுறுத்தும் இந்தியத் தரப்பு

மாகாண சபைத் தேர்தல் தொடர்ந்து தாமதமடைந்து வருகிற நிலையில் அண்மையில் ஜனாதிபதி அநுரகுமார திசாநாயக் கவையுடன் சந்தித்து பேச்சு நடத்திய இலங்கைக்கான இந்திய உயர்ஸ்தானிகர் சந்தோஷ் ஜா, மாகாண சபைத் தேர்தலை நடத்துமாறு கோரிக்கை விடுத்ததாகத் தெரியவருகிறது.

- ரொபட் அன்டனி

அதுமட்டுமன்றி இந்தச் சந்திப்பின் போது 13ஆவது திருத்தச் சட்டத்தின் அமுலாக்கம், அதேபோல இலங்கையில் இந்தியா மேற்கொண்டுவரும் அபிவிருத்தித் திட்டங்களின் விரைவுத்தன்மை உள்ளிட்டவை தொடர்பாகவும் பேசப்பட்டிருப்பதாக தகவல்கள் உறுதிப்படுத்துகின்றன.

அண்மையில் ஜெனிவா மனித உரிமைப் பேரவையில் 60ஆவது கூட்ட தொடர் ஆரம்பமானது.

அதில் ஐ.நா. மனித உரிமை உயர் ஸ்தானிகரின் இலங்கை குறித்த அறிக்கை வெளியிடப்பட்டதன் பின்னர், உரையாற்றிய ஜெனிவாவுக்கான இந்தியப் பிரதிநிதி, இலங்கை அரசியலமைப்பை முழுமையாக அமுல்படுத்துவதுடன் மாகா ண சபைத் தேர்தலை நடத்த வேண்டும் என்று கோரிக்கை விடுத்திருந்தார். இந்த நிலையிலேயே கடந்த வாரம் ஜனாதிபதியை சந்தித்த இந்திய உயர்ஸ்தானிகர் சந்தோஷ் ஜா மாகாண சபைத் தேர்தலை நடத்துமாறு கோரிக்கை விடுத்திருக்கிறார்.

மாகாண சபை இதேவேளை மாகாண சபைத் தேர்தல் நடத்தப்படும் என்ற உறுதியை இலங்கை தரப்பினர் இந்திய தரப்புக்கு வழங்கியதார்க்கவும் தெரிவிக்கப்படுகிறது. இவ்வருடம் இலங்கைக்கு விஜயம் செய்த இந்திய பிரதமர் நரேந்திர மோடி தேர்தலை இவங்க விரைவாக நடத்த வேண்டும் என்று குறிப்பிட்டிருந்தார்.

மேலும் இந்தியா, தற்போதைய நிலையில் பல்வேறு அபிவிருத்தி வேலைத்திட்டங்களை இலங்கையில் மேற்கொண்டு வருகிறது. காங்கேசந்துறைமுக அபிவிருத்தி, பருத்தித்துறை மீன்பிடித்துறை அபிவிருத்தி மற்றும் திருகோணமலையில் சம்பூர் சூரிய ஒளி மின்திட்டம், வடக்கில் மூன்று தீவுகளில் கலப்பு மின்உற்பத்தித் திட்டம், மலையகத்தில் வீடமைப்புத் திட்டங்கள்.

மன்னார் வைத்தியசாலை அபிவிருத்தித் திட்டம் உள்ளீட்ட பல்வேறு வேலைத் திட் டங்கள் தொடர்பாகவும் இலங்கை‑இந்திய தரப்புகள் தொடர்ச்சியாக பேச்சுக்களை நடத்தி வருகின்றன.