Oakdale - waar landbou en karakter saam groei

Oakdale is 'n leefwyse - meer as 'n skool! Die voortbou op tradisies, 'n waardestelsel van verantwoordelikheid, respek, dissipline en ambassadeurskap, vorm die karakter van die skool.

- 

Hoër Landbouskool Oakdale pryk vandag, 97 jaar later, goed gegrond op stewige fondasies tussen die eikebome net buite die dorp - 'n merkwaardige getuienis van dié skool se lang en ryke geskiedenis as tuiste van uitmuntende landbou-onderrig. Hiér, op die plaas, het menige Oakdaler sedert 1928 hul drome uitgeleef en verwesenlik - 'n tradisie wat vandag steeds volgehou word.

Hoër Landbouskool Oakdale is in Riversdal geleë en goed gevestig as een van die voorste landbouskole in die Wes-Kaap. Die skool het in 2023 die merkwaardige mylpaal van hul 95ste bestaansjaar gevier en skud reeds vere reg vir die 100 jaar-bestaansvieringe.

Oakdale is 'n leefwyse - meer as 'n skool! Die voortbou op tradisies, 'n waardestelsel van verantwoordelikheid, respek, dissipline en ambassadeurskap, vorm die karakter van die skool. Die atmosfeer en geleenthede hier geskep verseker dat elke seun sy drome uitleef en deurlopend in karakter en menswees groei.