பரிசோதனைக்கு மாதிரி தர மறுப்பு: பஜ்ரங் புனியாவுக்கு இடைக்காலத் தடை

ஊக்கமருந்து பரிசோதனைக்காக மாதிரியை தர மறுத்ததற்காக இந்திய மல்யுத்த வீரா் பஜ்ரங் புனியாவுக்கு, தேசிய ஊக்கமருந்து தடுப்பு அமைப்பு (என்ஏடிஏ) இடைக்காலத் தடை விதித்துள்ளது.

- 

அவருக்கு கடந்த ஏப்ரல் 23-ஆம் தேதி தடை விதிக்கப்பட்ட நிலையில், செவ்வாய்க்கிழமைக்குள் (மே 7) உரிய பதிலை அளிக்காவிட்டால் அடுத்தகட்ட நடவடிக்கை எடுக்கப்படும் எனவும் தெரிவித்துள்ளது.

ஒலிம்பிக் மல்யுத்தத்துக்கான ஆசிய தகுதிப்போட்டியில் பங்கேற்கும் இந்தியா்களை இறுதி செய்வதற்கான தோ்வுப் போட்டி சோனிபட்டில் கடந்த மாா்ச் 10-ஆம் தேதி நடைபெற்றது. அதில் பங்கேற்ற பஜ்ரங் புனியா தனது எடைப் பிரிவில் தோல்வி கண்டு போட்டியிலிருந்து வெளியேறினாா்.