மத நல்லிணக்கத்தின் அடையாளம் திருப்பரங்குன்றம் தர்கா கொடிக்கு இந்துக்கள் வரவேற்பு

அரசியல் செய்தவர்களுக்கு விழுந்தது அடி

- 

திருப்பரங்குன்றம் மலையில் உள்ள தர்காவில் ஏற்றுவதற்காக மாட்டு வண்டியில் கொடி ஊர்வலம் நடந்தது. அடுத்த படம்: இந்துக்கள் திரண்டு வண்ண வரவேற்பு. கடைசி படம்: நேர்ச்சை ஆவலுடன் வாங்கும் பக்தர்கள்.

மலைமேல் உள்ள தர்கா கொடிக்கு இந்துக்கள் உற்சாக வரவேற்பளித்ததன் மூலம் மத நல்லிணக்கத்தின் அடையாளம் என்பதை திருப்பரங்குன்றம் மீண்டும் நிரூபித்துள்ளது.

தமிழ்நாட்டில் எப்படியாவது கால் ஊன்றி விட வேண்டும் என்பதுதான் பாஜவின் திட்டம். இதற்காக அவர்கள் கையில் எடுத்த பல பிரச்னைகள் பலனளிக்காததால், தேர்தல் நெருங்கி வரும் நிலையில் திருப்பரங்குன்றம் கார்த்திகை தீப பிரச்சனையை கையில் எடுத்தனர். இவர்களின் இந்த திட்டத்திற்கு திருப்பரங்குன்றம் மட்டுமின்றி மதுரை மாவட்டத்திலும் போதிய ஆதரவு இல்லாத நிலையில், வெளியூர் ஆட்களைக் கொண்டு திருப்பரங்குன்றம் பிரச்னையை மதம் சார்ந்த பிரச்சனையாக மாற்ற முயற்சித்து வருகின்றனர். ஆனால், ஒவ்வொரு முறையும் திருப்பரங்குன்றம் மத நல்லிணக்கத்தின் அடையாளம் என்பதையே அப்பகுதி மக்கள் நிரூபித்து வருகின்றனர்.