சென்னை தனியார் மருத்துவமனையில் கிட்னி கொடுக்க சென்ற இடத்தில் கல்லீரலை எடுத்ததாக புகார்

பள்ளிபாளையத்தை சேர்ந்த பெண் வறுமை காரணமாக கிட்னியை சென்னை தனியார் மருத்துவமனையில் கொடுக்க சென்ற இடத்தில் கல்லீரலை எடுத்ததாகவும், தற்போது உடல் நலம் பாதிக்கப்பட்டுள்ளதாகவும் வேதனை தெரிவித்துள்ளார்.

- 

நாமக்கல் மாவட்டம், பள்ளிபாளையம் அலமேட்டை சேர்ந்தவர் தேவி (44). இவரது கணவர் பிரிந்து சென்ற நிலையில் 18 வயதில் ஒரு மகனும், 14 வயதில் ஒரு மகளும் உள்ளனர். சாயப்பட்டறையில் தொழிலாளியாக வேலை செய்த தேவிக்கு, போதிய வருமானம் இல்லாததால் அக்கம்பக்கத்தவர்களிடம் கடன் வாங்கினார். ஒரு கட்டத்தில் கடன் சுமை அதிகமாகவே, ஈரோட்டில் உள்ள ஒரு பெண் புரோக்கரிடம் தனது கிட்னியை விற்பதாகவும், அதற்கு ஈடாக பணம் பெற்றுத்தரும்படியும் கேட்டுள்ளார். இதையடுத்து, கடந்த 2022ல் தேவியின் உடல் உறுப்புகள் பரிசோதிக்கப்பட்டு, போதிய ஆவணங்கள் தயார் செய்யப்பட்டது. கிட்னி அறுவை சிகிச்சைக்கு பின், ரூ.8.50 லட்சம் தரப்படுமென உறுதியளிக்கப்பட்டது.