'PIET SOU NOOIT VLIEG SEERMAAK'

Gemeenskap met skok, afgryse vervul ná wrede moord op inwoner

- CHRISLYNN SIAS-LOUW

VERMOOR: Pieter "Piet" Joubert word onthou as 'n liefdevolle mens wat altyd die vrede wou bewaar. FOTO VERSKAF

(FOTO VERSKAF)

'N FAMILIE is in rou gedompel nadat hulle geliefde “Pieta” op een van die wreedste maniere denkbaar van hulle weggeruk is, terwyl die gemeenskap met skok en afgryse gevul is oor die dood van een van sy geliefde lede.

Dit is die tragiese gebeure wat vandeesweek in Ceres afgespeel het ná die wrede dood van Pieter "Piet" Joubert.

Joubert se verminkte lyk is Sondag douvoordag gevind. Van sy liggaamsdele is gevind voordat die res van sy liggaam deur die verdagte uitgewys is.

Son is in besit van foto's waarin gesien kan word hoe Joubert se liggaam geskend is. Albei sy voorarms is van sy liggaam verwyder, sy maag-gedeelte is oopgesny en van sy organe is verwyder.

Ook sy geslagsdeel en testikels is afgesny.

Inwoners van Ceres meen dit was 'n geval van verkeerde plek, verkeerde tyd. Daar doen ook gerugte die ronde dat die beskuldigde, Zwelinjani Mbola (20), nie "lekker in sy kop is nie".