DAM EIS 'N TIENJARIGE

DIT is sekerlik die seer-ste seer wanneer 'n mammie haar dogter, veral hierdie tyd van die jaar, aan die dood moet afstaan.

- BASIL DAVIDS

EDITH ARENDORF (10) FOTO VERSKAF

Die gemeenskap van White City op McGregor is geruk deur die skielike dood van 'n 10-jarige meisie.

Edith Arendorf het Maandagmiddag in 'n munisipale dam buite die dorp verdrink nadat sy en maatjies gaan swem het.

Haar gebroke mammie, Marissa Arendorf (36), kon skaars woorde uitkry, so hartseer is sy oor haar kind se skielike dood.

Inline Quotes:

"Sy was nooit 'n kind wat net loop nie. Ek gee haar elke oggend 'n R2 om vir haar ietsie lekkers vir die dag te koop, en sê sy moet by die huis wees wanneer ek uitval," het sy met 'n knop in die keel gesê.

Marissa was ten tyde van Edith se dood by die werk, waar sy by 'n pakstoor, kilometers uit die dorp, werksaam is. Sy het nog nie geweet dat haar kind nie meer met hulle is nie.

Inline Quotes:

"Toe ons vanaf die werk huis toe ry, het ek uit die lorrie geklim en daar het toe kinders na my toe gekom en gesê dat Edith in die dam hier bokant verdrink het," het sy met trane in die oë gesê.

Onmiddellik het sy na die dam gehol en toe sy daar kom, het sy gesien hoe mense op die wal saamdrom.

Daar was polisiemanne wat by 'n kombers, waarmee Edith se liggaam bedek was, gestaan het.