പുതിയ ബജറ്റ് പ്രാബല്യത്തിൽ നിങ്ങളുടെ നിക്ഷേപത്തിൽ എന്തു മാറ്റംവരുത്തണം?

കൂടുതൽ ചെലവാക്കുന്ന ജനങ്ങൾ രാജ്യത്തിനു നല്ലതാണ്. എന്നാൽ മറ്റൊരുവശത്ത് ഇത് സേവിങ്സിനെയും ഇൻവെസ്റ്റ്മെന്റിനെയും ബാധിക്കും.

- ബാലചന്ദ്രൻ വിശ്വാറാം ഇൻഷുറൻസ്, മ്യൂച്വൽഫണ്ട് അഡ്വൈസർ

ധനമന്ത്രി നിർമലാ സീതാരാമൻ അവതരിപ്പി ച്ച 2025-26ലെ കേന്ദ്രബജറ്റ് നിർദേശങ്ങൾ നില വിൽവരുന്നത് ഈ ഏപ്രിൽ ഒന്നുമുതലാണ്. അതായത് 12 ലക്ഷം രൂപവരെ (ശമ്പളവരുമാനക്കാ ർക്ക് 12.75 ലക്ഷം) പ്രതിവർഷം വരുമാനമുള്ളവർ പുതിയ നികുതി സ്ലാബ് സ്വീകരിച്ചാൽ ഒരു രൂപ പോലും ടാക്സ് അടയ്ക്കേണ്ടതില്ല.

1. 87A റിബേറ്റ് വഴിയാണ് ഒരു ഉപഭോക്താവിന് ഈ പ്രയോജനം കിട്ടുന്നത്. അതായത് പുതിയ സ്ലാബ് പ്രകാരം നാലു ലക്ഷം രൂപമുതൽ നികുതി ബാധകമാണെങ്കിലും റിബേറ്റ് ലഭ്യമാകുന്നതോടെ 12 ലക്ഷം രൂപവരെയുള്ളവർക്കു നികുതി പൂർണമായും ഒഴിവായിക്കിട്ടും.

എന്നാൽ പുതിയ ടാക്സ് റെജിമിലേ ഈ ഇളവു ലഭിക്കൂ എന്നതിനാൽ പഴയതിൽനിന്നു ഭൂരിപക്ഷം പേരും പുതിയ റെജിമിലേക്കു ചേക്കേറും. ഇപ്പോൾ അതുവഴി നികുതിയിനത്തിൽ നല്ല ലാഭം കിട്ടുമെങ്കിലും ജനങ്ങളുടെ സമ്പാദ്യ മനോഭാവത്തിൽ വലിയൊരു മാറ്റമുണ്ടാക്കും എന്നതിൽ സംശയമില്ല. നമ്മൾ മിച്ചം പിടിക്കുകയും സമ്പാദിക്കുകയും ചെയ്യുന്നതിനു പകരം കിട്ടുന്നതെല്ലാം ചെലവാക്കുന്ന ഒരു ജനതയായിമാറും.