INDIA @ 2025

കളി മാറുന്നു. ഇന്ത്യയിലും ഓഹരിയിലും നേട്ടത്തിനു തയാറെടുക്കുക

- സനിൽ ഏബ്രഹാം ഡയറക്ടർ ഷെയർവെൽത്ത് വെൽത്ത് മാനേജ്മെന്റ് ലിമിറ്റഡ്

ജനറേഷൻ ബീറ്റ വിഭാഗത്തിലുള്ള കുട്ടികളുടെ ജനനം ആരംഭിക്കുന്ന വർഷമാണ് 2025, 2039വരെ ജനറേഷൻ ബീറ്റ തുടരുകയും ചെയ്യും. ആർട്ടിഫിഷ്യൽ ഇന്റലിജൻസ് നിർണായകമായ കാലഘട്ടത്തിൽ ജനിക്കുന്ന, അത്യധികം ടെക്നോളജി ഇന്റർഫേസിലൂടെ ജീവിതം കടന്നുപോകേണ്ടുന്നവരാകും ഇവർ. ഈയിടെ ജനറേറ്റീവ് എഐയുടെ സബ്ഡിവിഷനായിരുന്ന എക്സ്പ്ലെയ്നബിൾ എഐയുടെ പിന്തുണകൂടി ഇവർക്കു ലഭിക്കുകയും ചെയ്യും.

ഓഹരിവിപണിയിലേക്ക് വന്നാൽ എഐയുടെ ആർത്തലച്ചുള്ള വരവുകൊണ്ടുതന്നെ എല്ലാ അർഥത്തിലും കമ്പനികൾക്ക് ഗെയിം ചേഞ്ചിങ് വർഷമായിമാറും 2025. മാത്രമല്ല, ഇന്ത്യൻ നിക്ഷേപമേഖലയിൽ ഇതുണ്ടാക്കുന്ന മാറ്റവും വളരെ വലുതായിരിക്കും. ഇതുവരെ അനങ്ങാപ്പാറകളായി നിന്ന ചില മേഖലകളിലെ വമ്പൻ പദ്ധതികൾകൂടി കണക്കിലെടുത്താൽ ഇന്ത്യയുടെ വളർച്ചയ്ക്ക് വേഗത കൂടും. അതായത്, ആഗോളകാരണങ്ങളാൽ നിലവിൽ ശോകമട്ടിൽ നിൽക്കുന്ന വിപണി വർഷാന്ത്യത്തോടെ പുതിയ ഗതിവേഗം കൈവരിച്ചേക്കും.

യുഎന്നിന്റെ വേൾഡ് ഇക്കണോമിക് സിറ്റുവേഷൻസ് ആന്റ് പ്രോസ്പെക്ട്സ് 2025 റിപ്പോർട്ട് പ്രകാരം ഇന്ത്യ ഈ വർഷം 6.6 ശതമാനം വളർച്ച നേടുമെന്ന കണക്കും ഇതിനോടൊപ്പം വായിക്കണം.

21 കോടി ഡീമാറ്റ് അക്കൗണ്ട്

ഡിസംബർ അവസാനിച്ചപ്പോൾ നാഷനൽ സ്റ്റോക് എക്സ്ചേഞ്ചിൽ 21 കോടി ഇടപാടുകാരാണുള്ളത്. ഈ എണ്ണം ഓരോ മാസവും കൂടിവരുന്നു. 3.7 കോടിയുമായി മഹാരാഷ്ട്രതന്നെ ഒന്നാം സ്ഥാനത്ത്. 2.28 കോടിയുമായി ഉത്തർപ്രദേശ് രണ്ടാം സ്ഥാനത്തും. ഗുജറാത്ത് (1.87 കോടി), രാജസ്ഥാൻ, ബംഗാൾ (1.2 കോടി) എന്നിവയാണ് തുടർ സ്ഥാനങ്ങളിൽ കേരളത്തിലെ ഡീമാറ്റ് ഉടമകളുടെ എണ്ണം 40 ലക്ഷത്തോളമാണ്.

ഉത്തർപ്രദേശിന്റെ പ്രകടനം അടിവരയിട്ടു പറയേണ്ടതാണ്. വിപണിപങ്കാളിത്തത്തിൽ ഇത്രകാലവും പിന്നിൽ നിന്നിരുന്ന യുപി ഇത്ര മുന്നേറിയത് അവിടെ നിശ്ശബ്ദമായി നടക്കുന്ന വളർച്ചയാണ് സൂചിപ്പിക്കുന്നത്. അടിസ്ഥാന സൗകര്യ വികസനത്തിലും തൊഴിൽ അവസരം നൽകുന്നതിലും സംസ്ഥാനം നടത്തുന്ന ചുവടുകൾ വിപണിയിലും പ്രതിഫലിക്കുന്നുവെന്നു ചുരുക്കം.

4 ട്രില്യൻ ഡോളറിലേക്ക്