സ്വർണ വിലയിലെ കുതിപ്പ് തുടരുമോ?

സാമ്പത്തിക അസ്ഥിരതയുടെയും മാന്ദ്യത്തിന്റെയും ഈ കാലഘട്ടത്തിൽ, സ്വർണം വാഗ്ദാനം ചെയ്യുന്ന സ്ഥിരതയും മൂല്യ സംരക്ഷണവും ഇനിയും വില വർധനയ്ക്ക് കളം ഒരുക്കാം.

- 

പത്തരമാറ്റിലും അധികം പകിട്ടോടെ സ്വർണം തിളങ്ങിയ വർഷമായിരുന്നു 2024. ആ വൻ വിലവർധനയുടെ തിളക്കത്തിൽ പല വട്ടം നിക്ഷേപകരുടെ കണ്ണ് മഞ്ഞളിച്ചു. 2025 ലും സ്വർണത്തിന്റെ സമാന തേരോട്ടം തുടരുമോ എന്നതാണ് ഇപ്പോൾ സാധാരണ കുടുംബങ്ങളുടെ മുന്നിലുള്ള ചോദ്യം.

സ്വർണത്തിന്റെ വൻ കുതിപ്പിനു ഈ വർഷം കളം ഒരുക്കിയതിനു പിന്നിൽ പല കാരണങ്ങളുണ്ട്.

അനിശ്ചിതാവസ്ഥ

റഷ്യ യുക്രൈൻ സംഘർഷം മൂർച്ഛിച്ചതോടെ ആഗോളവിപണികളിലുണ്ടായ ഭയം വഴിമാറി നടക്കാൻ നിക്ഷേപകരെ പ്രേരിപ്പിച്ചു. ഓഹരികളിൽ നിന്നും ക്രിപ്റ്റോ കറൻസികളിൽനിന്നും സ്വർണ ത്തിലേക്ക് ഒഴുക്കു കൂടി. ഇസ്രായേൽ ഗാസ സം ഘർഷം ഇതിന് എരിവു കൂട്ടി. 'ഭൗമ സംഘർഷങ്ങ ളിൽ പേടിക്കാതെ എന്നും നിക്ഷേപിക്കാവുന്ന ആസ്തി' എന്ന് പറഞ്ഞുപതിഞ്ഞ സിദ്ധാന്തം, ശരിയാണെന്ന് സ്വർണം വീണ്ടും അരക്കിട്ടുറപ്പിച്ചു. മാത്രമല്ല യുദ്ധം, ക്ഷാമം, സാമ്പത്തിക അസ്ഥിരത എന്നിവയെല്ലാം അതിജീവിക്കാനുള്ള മികവ് സ്വർണത്തിൽ കൂടുതൽ നിക്ഷേപം നടത്താൻ വ്യക്തികളെ മാത്രമല്ല ധനകാര്യ സ്ഥാപനങ്ങളെയും കേന്ദ്ര ബാങ്കുകളെയും പ്രേരിപ്പിച്ചു.

ഫെഡ് നിരക്ക് കുറയ്ക്കൽ

2024 മൂന്നു പ്രാവശ്യമാണ് അമേരിക്കൻ കേന്ദ്ര ബാങ്ക് പലിശ കുറച്ചത്. ഫെഡ് പലിശ കുറയ്ക്കുമ്പോൾ സ്വർണം ശക്തി പ്രാപിക്കുമെന്നത് ഈ വർഷവും നാം കണ്ടു. പലിശ കുറയ്ക്കുമ്പോൾ പണപ്പെരുപ്പം കൂടുമെന്നതാണ് കാരണം. “അമേരിക്കൻ സമ്പദ് വ്യവസ്ഥയിൽ ഇപ്പോഴത്തെ മാന്ദ്യത്തെക്കാൾ മോശമായത് അമേരിക്കയെ കാത്തിരിക്കുന്നതു കൊണ്ടാണോ പലിശ കുറക്കുന്നത് എന്നതും ചർച്ചയായി. ഇതുകണ്ടു സ്വർണത്തിനു വെറുതെ ഇരിക്കാനായില്ല, അത് പുതിയ ഉയരങ്ങളിലേക്ക് നടന്നു കയറി.

കേന്ദ്ര ബാങ്കുകളുടെ വാങ്ങൽ