ഒരു ലക്ഷം കോടി ഡോളറിന്റെ ഇടിവ് വിശ്വസിക്കാമോ ക്രിപ്റ്റോകളെ

നാളെയുടെ നാണയമാകുമോ ക്രിപ്റ്റോ എന്നത് ബിറ്റ്കോയിനെക്കാൾ വിലയേറിയ ചോദ്യമാണ്. കാരണം എതിർപ്പുകൾക്കും അവിശ്വാസങ്ങൾക്കും മുൻപിൽ പതറാതെ ക്രിപ്റ്റോകളിലേക്കു നിക്ഷേപകർ പ്രവഹിക്കുകയാണ്.

- വസുദേവ ഭട്ടതിരി

"ജെൻ സെഡ്' എന്നു വിശേഷിപ്പിക്കപ്പെടുന്ന നിക്ഷേപകരിൽ നല്ലൊരു വിഭാഗം ഇഷ്ട നിക്ഷേപമാർഗമായി ഇപ്പോൾ പരിഗണിക്കുന്നതു ക്രിപ്റ്റോ കറൻസികളെയാണ്. അതേ സമയം, ക്രിപ്റ്റോ നിക്ഷേപത്തിന്റെ "നട്ടും ബോൾട്ടുമൊന്നും വശമില്ലാത്തവരും ഏറെ. ഇനി മുതിർന്ന തലമുറയുടെ കാര്യമെടുത്താലാകട്ടെ, ക്രിപ്റ്റോ നിക്ഷേപം എന്നൊക്കെ കേട്ടിട്ടുണ്ടെങ്കിലും അതേപ്പറ്റി ഒന്നും അറിയാത്തവരോ അറിയുന്നവരിൽ പലരും അവിശ്വാസികളോ ആയിരിക്കും.

നിക്ഷേപരംഗത്തെ ഏതു നൂതാനാശയത്തിന്റെ ആദ്യ നാളുകളിലും ആവർത്തിക്കപ്പെടുന്നതാണ് ഈ സ്ഥി തി. അനേകരുടെ അനുഭവവും അംഗീകാരവും നേടി ക്കഴിയുമ്പോൾ മാത്രമാണു നൂതനാശയങ്ങളിൽനിന്നു രൂപപ്പെടുന്ന നിക്ഷേപമാർഗങ്ങൾ സാർവത്രികമാകുകയുള്ളൂ. ആ നിലയിലേക്കുള്ള യാത്രയിൽ ഇതുവരെ വളരെ കുറച്ചു ദൂരം മാത്രമാണു ക്രിപ്റ്റോകറൻസികൾ പിന്നിട്ടിരിക്കുന്നത്.

എങ്കിലും വളരെ സാവധാനത്തിലാണെങ്കിലും ഓഹരി നിക്ഷേപത്തിനു ബദലായി മാറുകയാണോ ക്രിപ്റ്റോ കറൻസികളിലെ നിക്ഷേപമെന്നു സംശയിക്കാവുന്ന സാഹചര്യമാണ് ഇപ്പോഴുള്ളത്. ക്രിപ്റ്റോ വിപണികളിൽ പ്രകടമാകുന്ന ചില പ്രവണതകളാണ് ഈ സന്ദേഹത്തിന് അടിസ്ഥാനം.

സ്വീകാര്യത കൂടുന്നു