ആറുമണിക്കൂട്ടവും പേടിഎം ചായയും

'എന്തുപറ്റി യുപിഐ പേ നിർത്തിയോ?' ഞാൻ ചോദിച്ചു. സാർ അപ്പോൾ പേടിഎം പ്രശ്നങ്ങളൊന്നും അറിഞ്ഞില്ലേ. രാമകൃഷ്ണൻ ചോദിച്ചു.

- കെ.കെ.ജയകുമാർ പ്രമുഖ ഫിനാൻഷ്യൽ ജേണലിസ്റ്റും ഇൻഫർമേഷൻ പബ്ലിക് റിലേഷൻസ് വകുപ്പിൽ ഉദ്യോഗസ്ഥനുമാണ് ലേഖകൻ [e-mail]

വീട്ടിലേക്കുള്ള യാത്രയ്ക്കിടയിൽ ഒരു ചായ പേ ചർച്ച പതിവാണ്. പലവഴിക്ക് എത്തിയവർ വണ്ടി നിർത്തി ഓരോ ചായയും ചൂടുകടിയും കഴിക്കുന്ന സ്ഥലം. ഓഫിസുവിട്ടാലെങ്കിലും ഇവർക്ക് വീട്ടിലെത്തിക്കൂടെ എന്നു ചിന്തിച്ച് ഇവരെ തുറിച്ചു നോക്കി പലവട്ടം ഞാനും ഈ റോഡിലൂടെ പോയിട്ടുണ്ട്. പക്ഷേ, ഓഫിസിൽനിന്ന് വീട്ടിലേക്കുള്ള എന്റെ യാത്രയിൽ ഒരു സുഹൃത്തുകൂടി വന്നതോടെയാണ് ഞാനും ഈ ആറുമണിക്കൂട്ടത്തിൽ പെട്ടത്. പത്തിലേറെ ചെറു കടകളുണ്ട് നിരനിരയായി. രാമകൃഷ്ണൻ ചേട്ടന്റെ കടയാണ് ഞങ്ങളുടെ ഫേവററ്റ് ഒരുദിവസം ചായയും വടയും കഴിച്ച് പണം കൊടുക്കാൻ ക്യൂആർ കോഡ് നോക്കിയിട്ടു കാണുന്നില്ല. യൂ ആർ റിസീവ്ഡ് എ പേയ്മെന്റ് ഓഫ് റുപ്പീസ് എന്ന സൗണ്ട് ബോക്സിൽ നിന്നുള്ള വിളിച്ചുപറയലും കേൾക്കുന്നില്ല. എവിടെ നിന്നും.

"എന്തുപറ്റി യുപിഐ പേ നിർത്തിയോ?' ഞാൻ ചോദിച്ചു.