മലയാളിക്കു പഠിക്കാൻ ഇതാ ബംഗാളിയുടെ ഒരു കേരള മോഡൽ

കേരളത്തിലെത്തി അധ്വാനിച്ച് കൊച്ചിയിൽ ഭൂമി വാങ്ങി വീടുവയ്ക്കാൻ 24 ലക്ഷം രൂപ കണ്ടെത്തിയ അഭിജിത് കനക് ദമ്പതികളുടെ ഫിനാൻഷ്യൽ മോഡൽ.

- 

"ഞങ്ങളുടെ കൂട്ടത്തിൽ ആദ്യമായി കേരളത്തിൽ വീട് സ്വന്തമാക്കിയ ആൾ ഞാനല്ല, എന്നെ കേരളത്തിലേക്കു കൊണ്ടുവന്ന വല്യച്ഛന്റെ മകന് ഇവിടെ മൂന്നു നില വീടുണ്ട്. മുകളിലത്തെ നിലകൾ വാടകയ്ക്കു കൊടുത്തിരിക്കുന്നു. അതുപോലെ ഇവിടെ വീടുള്ള ധാരാളം പേരുണ്ട് ഞങ്ങൾക്കിടയിൽ ബംഗാളിയായ അഭിജിത് മണ്ഡൽ സംസാരിച്ചുതുടങ്ങിയത് ഇങ്ങനെയാണ്. “എന്നാൽ പ്രധാനമന്ത്രി ആവാസ് യോജന (പിഎംഎവൈ സ്കീം) പ്രകാരം വീടുവച്ച ആദ്യത്തെ ആൾ ഞാനാണെന്നു തോന്നുന്നു. സർക്കാർ പദ്ധതികളുടെ ആനുകൂല്യം നേടാൻ ഭൂരിഭാഗവും ശ്രമിച്ചിട്ടില്ല. 5 ലക്ഷം രൂപ വായ്പ എടുക്കാമെന്നാണ് കരുതിയത്. എന്നാൽ ഞങ്ങൾ വാങ്ങിയ സ്ഥലത്തേക്ക് കാർ കയറാത്തതിനാൽ വായ്പ കിട്ടില്ലെന്നു ബാങ്ക് പറഞ്ഞു. അങ്ങനെയാണ് പിഎംഎവൈയിലേക്ക് അപേക്ഷിക്കുന്നത്. ബംഗാളിൽ നിന്ന് കേരളത്തിലെത്തി അധ്വാനിച്ച് 24 ലക്ഷം രൂപ കണ്ടെത്തി ഭൂമി വാങ്ങി വീടുവച്ച അതിഥിത്തൊഴിലാളി എന്ന ലേബലിൽ ഈയിടെ അഭിജിത്തും കുടുംബവും വൈറലായിരുന്നു. തങ്ങൾ ആഗ്രഹിച്ച ലക്ഷ്യത്തിലേക്കെത്താൻ ഒരു ദശകത്തിലേറെ നീണ്ട അധ്വാനത്തിലൂടെ ആണ് അവർ പണം കണ്ടെത്തിയത്. രോഗം മൂലം വരുമാനം നിലച്ചിട്ടും കടബാധ്യത വന്നിട്ടും അധ്വാനത്തിലൂടെ അവർ പിടിച്ചുനിന്നു. എന്നു മാത്രമല്ല, നാം മലയാളികൾ ചിന്തിച്ചിട്ടുപോലുമില്ലാത്ത വഴികളിലൂടെ പ്ലാൻ ചെയ്തു മുന്നേറി.

തുടക്കം 150 രൂപയിൽനിന്ന്

 ബംഗാൾ സ്വദേശിയായ അഭിജിത് കേരളത്തിൽ എത്തുന്നത് 2002ൽ ആണ്. അന്നും ഇന്നും ഗാർഡനിങ്ങാണ് പണി. നാട്ടിൽ ചെയ്തിരുന്ന കൃഷിപ്പണിക്ക് 50 രൂപ കൂലി കിട്ടിയിരുന്നപ്പോൾ കേരളത്തിൽ 150 രൂപയോളം കൂലിയുണ്ടായിരുന്നു. പിന്നെ എല്ലാ ദിവസവും പണിയും. അതുകൊണ്ടാണ് ഇങ്ങോട്ടേക്കു പോന്നത്. കേരളത്തിലേക്കു വന്ന് 4 വർഷങ്ങൾക്കുശേഷം 2006ൽ ഒഡീഷ സ്വദേശിയായ കനകിനെ വിവാഹം കഴിച്ചു. 1,500 രൂപ വാടകയുള്ള ഒരു വീട്ടിലാണ് ഇരുവരും ചേർന്ന് തങ്ങളുടെ ജീവിതം തുടങ്ങുന്നത്.

വീട് എന്ന സ്വപ്നയാത്ര ഇങ്ങനെ