കയറ്റുമതി സാധ്യതകൾ തിരിച്ചറിഞ്ഞു വസ്ത്ര നിർമാണ യൂണിറ്റുകൾക്ക് ഒരു മാതൃക

മാസം 8 ലക്ഷം രൂപയുടെ വിൽപനയിൽ 20% അറ്റാദായമാണ് നൈസ് കളക്ഷൻസ് നേടുന്നത്. തയ്യൽ, ഡിസൈൻ, എംബ്രോയിഡറി, കട്ടിങ് എന്നിവയിൽ പ്രാവീണ്യമുള്ള തൊഴിലാളികളാണ് കരുത്തെന്ന് ഉടമ അലിഡിയ പറയുന്നു.

- 

ചെറിയ രീതിയിൽ തുടങ്ങി, മികച്ച നേട്ടമുണ്ടാക്കുന്ന സംരംഭങ്ങൾക്ക് ഉദാഹരണമാണ് നൈസ് കളക്ഷൻസ് അച്ഛനും അമ്മയും മകളും അടങ്ങുന്ന മൂന്നംഗ കുടുംബമാണ് നൈസ് കളക്ഷന്റെ ഉടമകൾ. എറണാകുളം ജില്ലയിലെ നോർത്ത് പറവൂരിനടുത്ത് ഞാങ്ങോർപ്പിള്ളിയിലാണ് സംരംഭം. പ്രവർത്തിക്കുന്നത്.

എന്താണ് ബിസിനസ്

ഗാർമെന്റ് ഉൽപന്നങ്ങളാണ് നിർമിച്ചു വിൽക്കുന്നത്. കുർത്തികൾ, ബോട്ടം, ഫ്രോക്കുകൾ കുട്ടിക്കുപ്പായങ്ങൾ, കഫ്ത്താൻ അങ്ങനെ പോകുന്നു ഉൽപന്നങ്ങൾ, കാൻ കുർത്തികൾ എന്നിവ യൂറോപ്, സൗദി അറേബ്യ എന്നിവിടങ്ങളിലേക്ക് കയറ്റുമതി ചെയ്യുന്നുണ്ട്. ഈ കയറ്റുമതി വിപണിയാണ് സംരംഭത്തിന്റെ പ്രധാന ആകർഷകത്വവും.

10 വർഷത്തെ പരിചയം

 ഏകദേശം 10 വർഷമായി ഗാർമെന്റ് നിർമാണരംഗത്ത് പ്രവർത്തിക്കുന്നവരാണ് സിറിൽ ആന്റണിയും കുടുംബവും. ചുരിദാറുകൾ, പട്ടുപാവാടകൾ, ടോപ്പുകൾ, നൈറ്റികൾ തുടങ്ങി സ്ത്രീകൾക്കാവശ്യമുള്ള എല്ലാത്തരം ഉൽപന്നങ്ങളും നിർമിക്കുന്നതിൽ പ്രാവീണ്യമുണ്ട്. എന്നാൽ, കമാൻ, കുർത്തികൾ എന്നിവ കയറ്റി അയയ്ക്കുന്നതിന് ഓർഡർ ലഭിച്ചപ്പോഴാണ് മകൾ അലീഡിയ സിറിലിന്റെ പേരിൽ കയറ്റുമതിക്ക് പ്രാധാന്യം നൽകിക്കൊണ്ട് ഗാർമെന്റ് യൂണിറ്റ് ആരംഭിക്കുന്നത്.

സ്ഥിരം ഉപഭോക്താക്കൾ

 സ്ഥിരം കമേഴ്സിനെ കണ്ടെത്താൻ കഴിഞ്ഞതാണ് ബിസിനസിന്റെ നേട്ടം. വിദേശ വിപണിയിൽ ശോഭിക്കുവാൻ സഹായിച്ച ഘടകങ്ങൾ ഇവയാണ്.