മഴവിൽപൂക്കളുമായി സ്പാത്തോഗ്ലോട്ടിസ്

ലളിതമായ പരിചരണത്തിൽ വളരുകയും പുഷ്പിക്കുകയും ചെയ്യുന്ന ഗ്രൗണ്ട് ഓർക്കിഡ്

- പൂന്തോട്ടം ജേക്കബ് വർഗീസ് കുന്തറ

ഫലനോപ്സിസ്, ബാസ്കറ്റ് വാൻഡ തുടങ്ങി അധിക ശ്രദ്ധ ആവശ്യമായ ഓർക്കിഡുകളിൽ നിന്നു വിഭിന്നമായി ലളിതമായ പരിചരണത്തിൽ വളരുകയും പുഷ്പിക്കുകയും ചെയ്യുന്നവയാണ് ഗ്രൗണ്ട് ഓർക്കിഡുകൾ. സ്പാത്തോഗ്ലോട്ടിസ്, ഡൗ ഓർക്കിഡ്, നൺ ഓർക്കിഡ്, ഹോളി ക്രോസ് ഓർക്കിഡ് തുടങ്ങിയവ ഉൾ പ്പെടുന്നതാണ് ഈ അലങ്കാര ഗ്രൗണ്ട് ഓർക്കിഡ് വിഭാഗം.

ഇവയിൽ പൂക്കളുടെ വർണവൈവിധ്യത്തിലും പ്രചാരത്തിലും മുന്നിലാണ് സ്പാത്തോഗ്ലോട്ടി സങ്കരയിനങ്ങൾ. തൂവെള്ള, മഞ്ഞ,സിന്റെ പിങ്ക്, മെറൂൺ, പർപ്പിൾ, തുടങ്ങി പല നിറങ്ങളിലും നിറക്കൂട്ടുകളിലും പൂക്കളുള്ള ഒട്ടേറെ സങ്കരയിനങ്ങൾ ഇന്ന് ലഭ്യമാണ്. സസ്യപ്രകൃതിയിൽ അര അടി മുതൽ ഒരാൾ പൊക്കത്തിൽ വരെ വളരുന്നവയുണ്ട്. കുഞ്ഞൻ ഓലയുടെ ആകൃതിയുള്ള ഇലകൾക്ക് ഇന മനുസരിച്ച് ഒരടി മുതൽ രണ്ട് അടിവരെ നീളമുണ്ടാകും. പിങ്ക് പൂക്കളുള്ള പരമ്പരാഗത ഇനങ്ങൾ മണ്ണിലും ചട്ടിയിലും ഒരുപോലെ വളർത്താം. എന്നാൽ, നൂതന സങ്കരയിനങ്ങളെല്ലാം ചട്ടിയിലാണ് പരിപാലിക്കേണ്ടത്.