ഒന്നൊന്നര തെങ്ങ്!

ഭക്ഷ്യോൽപന്നങ്ങൾ മുതൽ ഇന്റീരിയർ ഡിസൈൻ വരെ

- 

പാവം തേങ്ങ... എന്തൂട്ട് തേങ്ങയാണിത് എന്നു ചോദിച്ച് എത്ര കാലമായി നാം തേങ്ങയെ കൊച്ചാക്കുന്നു! തേങ്ങയെ മാത്രമോ, ജീവിതം കോഞ്ഞാട്ടയായി എന്നു പറഞ്ഞ് പരിതപിക്കാൻ കോഞ്ഞാട്ട നിങ്ങളോട് എന്തു കുറ്റം ചെയ്തു?'' ചിരിയോടെയാണ് ഉബൈസ് ചോദിക്കുന്നതെങ്കിലും അതിലൽപം കാര്യമുണ്ട്. തേങ്ങയും തേങ്ങാക്കുലയും കോഞ്ഞാട്ടയുമൊക്കെ പലപ്പോഴും ഭാഷയിലെ പരിഹാസപ്രതീകങ്ങളാണ്. തേങ്ങയോ തേങ്ങയുൽപന്നങ്ങളോ ഉപയോഗിക്കാത്ത ഒരു ദിവസമില്ല ശരാശരി മലയാളിയുടെ ജീവിതത്തിൽ. എന്നിട്ടും തെങ്ങിന്റെയും തേങ്ങയുടെയും മൂല്യം നമ്മൾ ശരിക്കും തിരിച്ചറിഞ്ഞിട്ടില്ലെന്നു പറയുന്നു എറണാകുളം ജില്ലയിലെ ആലുവ ചുണങ്ങം വേലിയിലുള്ള ഉബൈസ് അലി എന്ന സംരംഭകൻ. പറയുക മാത്രമല്ല, തെങ്ങും തേങ്ങയുമായി ബന്ധപ്പെട്ട സമസ്ത സാധ്യതകളും ഒരുമിച്ചു കാണാൻ അവസരമൊരുക്കുകയും ചെയ്യുന്നു ഉബൈസിന്റെ "മോർദാൻ എ നട്ട്' എന്ന സംരംഭം.