വാടകയ്ക്കൊരു മാവ്

കർഷകർക്കും ഉപഭോക്താക്കൾക്കും സംരംഭകനും നേട്ടം നൽകുന്ന സ്റ്റാർട്ടപ്

- 

ഒരു മരം വാടകയ്ക്കെടുത്താലോ? ഒരു മരമല്ല, കൊതിപ്പിക്കുന്ന മണമുള്ള അൽഫോൻസ മാമ്പഴങ്ങൾ നിറഞ്ഞ ഒരു മാവ്. അതും, അങ്ങകലെ മാന്തോപ്പുകളുടെ നാടായ തമിഴ്നാട്ടിലെ ഡിണ്ടിഗലിൽ. സീസണിൽ ആ മാവിൽ വിളയുന്ന മാമ്പഴം മുഴുവൻ നിങ്ങൾക്കു വാങ്ങാം.

നിങ്ങളുടെ പേരു പതിച്ച ആ മാവിലെ മാമ്പഴമത്രയും പഴുക്കുന്നതനുസരിച്ച് പാഴ്സലായി വീട്ടിലെത്തും. മാമ്പഴ മധുരമുള്ള ഈ സ്റ്റാർട്ടപ്പുമായി രംഗത്തുള്ളത് കോട്ടയം പാലാ പൂവരണി സ്വദേശി ഉമേഷ് ദാമോദരൻ എന്ന മെക്കാനിക്കൽ എൻജിനീയർ. സംഗതി വെറും ആശയം മാത്രമല്ല, മൂന്നു വർഷത്തിനിടയിൽ ഉമേഷിന്റെ 'റെന്റ് എ ട്രീ' എന്ന സംരംഭത്തിന്റെ മധുരം നുകർന്നവർ ഒട്ടേറെയുണ്ട്.

മാന്തോപ്പിലേക്കുള്ള വഴി