കഥയുടെ നരിവേട്ട

വഴിവിളക്കുകൾ

- അബിൻ ജോസഫ്

കീഴ്പള്ളി ഒരു താഴ്വാരമാണ്. കുടക് മലയുടെ കീഴെ പച്ചപിടിച്ചു കിടക്കുന്ന ഗ്രാമം. കൃഷിയാണ് മെയിൻ. റബറും കവുങ്ങും കുരുമുളകും മാത്രമല്ല, ട്രെൻഡിന് അനുസരിച്ചു വനിലയും ഡ്രാഗൺ ഫ്രൂട്ടും ട്രൈ ചെയ്യും. മധ്യതിരുവിതാംകൂറിൽ നിന്നു കുടിയേറിവന്ന ഫാമിലിയാണ് എന്റേത്. അപ്പൻ തട്ടത്ത് ജോയ് അമ്മ മേരി. അറുപതുകളിലും എഴുപതുകളിലുമൊക്കെയാണ് അവരുടെ കുടിയേറ്റമുണ്ടാകുന്നത്. മലബാറിലേക്കുള്ള യാത്രയുടെ ചരിത്രമൊക്കെ കാർന്നോമ്മാരിൽ നിന്ന് ചെറുപ്പത്തിൽ കേട്ടിട്ടുണ്ട്.