நட்சத்திரங்கள் பாதி... பூர்ணிமா ராமசாமி காஸ்டியூம்ஸ் மீதி!

ஆடை வடிவமைப்பாளர் பூர்ணிமா ராமசாமிக்கு எந்த அறிமுகமும் தேவையில்லை.

- ஆர்.சந்திரசேகர்

முதல் படத்திலேயே தேசிய விருது பெற்று அனைவரின் கவனத்தையும் ஈர்த்தவர்.

நாயுடு ஹால் வீட்டுப்பெண் என்ற அடையாளம் அவருக்கு இருந்தாலும்கூட சினிமா ஆடை வடிவமைப்பே அவரைத் தனித் துவமாக்கி இருக்கிறது.

'தீரன் அதிகாரம் ஒன்று', '36 வயதினிலே', 'ராட்சசி', 'இறுதிச் சுற்று', 'நேர்கொண்ட பார்வை' முதல் 'டியூட்' வரை பல வெற்றிப் படங்களுக்கு ஆடை வடிவமைப்பு செய்தவர்.

இதோ, இப்போது சிவகார்த் திகேயன், ரவி மோகன், அதர்வா நடிப்பில் உருவாகியுள்ள, 'பரா சக்தி' படத்தின் ஆடை வடிவ மைப்பில் தனி முத்திரை பதித் திருக்கிறார்.

‘பராசக்தி’?

ரொம்ப சிறப்பாக வந்திருக்கு. இந்தப் படத்தின் காஸ்டியூம் நான் எதிர்பார்க்காத அளவில் இன்டரஸ்டிங்காக இருந்தது.

நான் சினிமாவுல கரியர் ஆரம்பிச்ச முதலா எனக்கு சுதா கொங்கரா பழக்கம். ஏன்னா, பாலா சாருடைய ‘பரதேசி’ படத்துல அவங்க இணை இயக்குநராக இருந்தாங்க.

அப்போ பாலா சார் அவங்களை அறிமுகப்படுத்தி, 'உங்களுக்கு காஸ்டியூம்ல ஏதாவது சந்தேகம் இருந்தா இவங்க கைடு பண்ணுவாங்க’னு சுதாவை அறிமுகப்படுத்தி வச்சார். அப்போதிலிருந்து நாங்க ஃப்ரெண்ட்ஸ். பிறகு அவங்ககூட சேர்ந்து, படங்கள் பண்ணினேன். அந்த நட்பு 'பராசக்தி’ வரை அப்படியே தொடருது.

இந்தப் படத்தின் கதை 1965ல் நடப்பது போன்றது. இதுக்காக நிறைய ரிசர்ச் வொர்க் பண்ணினேன். அந்த டைமில் வாழ்ந்த நிறைய பேரைச் சந்திச்சேன். இன்னைக்கு தாத்தா, பாட்டியாக இருக்கிற பலர் அந்தக் காலக்கட்டத்தைச் சேர்ந்தவங்கதானே! அவங்ககிட்ட நேரடியாகப் போய் அப்போ என்ன மாதிரியான ஆடைகள் உடுத்தினீங்க, எந்த மாதிரியான நகைகள் போட்டீங்க, அப்போதைய ட்ரெண்ட் என்னவாக இருந்த துனு பல தகவல்களைக் கேட்டு சேகரிச்சேன்.

அது நல்ல அனுபவமாக இருந்தது. அந்தக் காஸ்டியூமை அப்படியே படத்தில் கொடுத்திருக்கோம். இது மக்கள்கிட்ட நல்லா ரீச் சாகும்னு நம்பிக்கை இருக்கு.

1965 கால காஸ்டியூம்... நடிகர், நடிகைகள் என்ன சொன்னாங்க?