தாத்தாவின் டிராகன் குறட்டைகள்

மிஷாவும் தங்கை ஈஷாவும் வின்டர் 'வெகேஷனில் தங்கள் பாட்டி மற்றும் தாத்தாவைப் பார்க்கச் சென்றனர்.

- அஷிமா கெளசிக்

அவர்கள் பாட்டியை தோட்டத்தில் கண்டார்கள், தக்காளிச் செடியை தனது பழைய பூனை ராக்கியுடன் சேர்ந்து பராமரித்து கொண்டிருந்தாள்.

அடுத்த கோடையில் தக்காளி பூத்து காய்க்கும் வகையில் தயாராகிவிடும்.

பழுத்த தக்காளியைப் வாஞ்சையுடன் பார்த்த ஈஷா, “உங்களிடம் இவ்வளவு அழகான தோட்டம் உள்ளது பாட்டி என்றாள்.”

“நான் ஒரு ஆப்பிள் விதையை வளர்க்க முயற்சித்தேன், சிறிது நாட்களிலேயே அது காய்ந்து விட்டது,” மிஷா முணுமுணுத்துக் கொண்டே தக்காளியைப் பறித்து தன் கூடையில் வைத்தாள், “நான் துளிரை வளர்ப்பதில் மிகவும் கவனம் செலுத்த வேண்டும்” என்றாள்.

“நாற்றுகளுக்கு அன்பையும் பராமரிப்பையும் கொடுத்தீர்களா?” என்று பாட்டி தன் தக்காளிச் செடிகளைச் சுற்றி மரக்கட்டைகளை விரித்துக்கொண்டே கேட்டாள்.

“தாவரங்களால் அன்பை உணர முடியும் மற்றும் அவை கருணைக்கு பிரதிபலன் தரும்.”

“அதனால்தான் உங்கள் தோட்டத்தில் உள்ள தக்காளி மிகவும் அழகாகவும், சிவப்பு நிறமாகவும், வட்டமாகவும் இருக்கிறது!” ஈஷாவும் மிஷாவும் ஒன்றாகச் சொன்னார்கள்.

“அப்படித்தான் நானும் நினைக்கிறேன்,” என்று பாட்டி சிரித்து, கழுத்தில் இருந்த உல்லன் ஸ்கார்ஃபை சரிசெய்தாள். தோட்டம் அவளுக்கு விருப்பமான இடம்.

தோட்டத்தில் தேநீர் பருகிக்கொண்டே தன் செடிகளுடன் பேசுவாள். கோடை காலங்களில் சிட்டுக்குருவிகள் பாட்டியின் பிஸ்கட்டுக்காக துள்ளி குதிக்கும். அப்போது, டோலி வாத்து, குவாக் குவாக் என்று தன் குட்டிகளோடு வந்தது, எட்டு குட்டிகளும் ஒரே வரிசையில் அணிவகுத்துச் சென்றன.

குளத்துக்கு அருகே டோலி வாத்து, கொட்டகையில், சிவப்பு சக்கர வண்டிக்கு அருகில், ஜாஸ்பர் மற்றும் மல்லிகை புதர்களால் பாதுகாக்கப்பட்ட ஒரு அழகான கூடு கட்டியிருந்தது. குளிர்காலங்களில் தன் வாத்து குஞ்சுகளை சூடாக வைத்திருக்க மென்மையான புல் மற்றும் பாசியை வரிசையாக வைத்திருந்தது.

“நாங்கள் வாத்துகளுக்கு உணவளிக்கலாமா, பாட்டி?” என்று ஈஷா கேட்டாள். “ஓகே, ஈஷா!” முதலில் “நீங்கள் இருவரும் மாடிக்கு போய் தாத்தாவை பார்த்து விட்டு வாருங்கள்?” என்றாள்.