ബംപർ ടു ബംപറോ ഫുൾ കവറേജോ?

ബംപർ ടു ബംപർ കാർ ഇൻഷുറൻസിലെ പ്രധാന ആഡ് ഓൺ കവർ

- റോഷ്‌നി

ഏറ്റവും പ്രചാരമുള്ള കാർ ഇൻഷുറൻസ് പോളിസിയാണ് ബംപർ ടു ബംപർ ഇൻഷുറൻസ്. സീറോ അല്ലെങ്കിൽ നിൽ ഡിപ്രീസിയേഷൻ കവർ എന്നും അറിയപ്പെടുന്നു. സമഗ്ര കാർ ഇൻഷുറൻസ് (കോം ഹെൻസീവ്) പോളിസിയിലേ ക്കുള്ള ആഡ്-ഓൺ ആണിത്. ബംപർ ടു ബംപർ ഇൻഷുറൻസ് എടുക്കുമ്പോൾ കാറിനു പൂർണമായ കവറേജ് ലഭ്യമാകു ന്നു. കാറിന് എന്തെങ്കിലും കേടുപാടുകൾ സംഭവിക്കുകയോ മോഷ്ടിക്കപ്പെടുകയോ ചെയ്താൽ, മൂല്യത്തകർച്ചയുടെ അടിസ്ഥാ നത്തിലുള്ള കിഴിവുകളൊന്നും കൂടാതെ, കാറിനുള്ള ഇൻഷുറൻസ് പോളിസിക്കു കീഴിൽ ഇൻഷ്വർ ചെയ്ത തുകയുടെ 100% ഉടമയ്ക്ക് ലഭിക്കും. എന്നിരുന്നാലും, ഈ ആഡ്-ഓൺ കവറിൽ എൻജിൻ, ടയർ, ട്യൂബ്, ഗ്ലാസ് ഭാഗങ്ങൾ ഉൾപ്പെടെ കാറിന്റെ ചില ഘടകങ്ങൾക്കുള്ള പരിരക്ഷ ഉൾപ്പെടുന്നില്ല.

സമഗ്ര കാർ ഇൻഷുറൻസ്, കൊളിഷൻ ഇൻഷുറൻസ്, ലയബലിറ്റി (തേർഡ് പാർട്ടി) ഇൻഷുറൻസ് എന്നിവ ചേർന്നതിനെയാണ് ഫുൾ കവറേജ് ഓട്ടോ ഇൻഷുറൻസ് എന്നു പൊതുവെ വിശേഷിപ്പിക്കുന്നത്.

പ്രയോജനങ്ങൾ

1. കാറിന്റെ അറ്റകുറ്റപ്പണികൾക്കായി ചെലവഴിക്കുന്ന തുകയുടെ 100 ശതമാനവും ലഭിക്കില്ല. അറ്റകുറ്റപ്പണി ചെലവുകളുടെ ഒരു ഭാഗം വാഹനത്തിന്റെ ഉടമ വഹിക്കേണ്ടതുണ്ട്. ബംപർ ടു ബംപർ കാർ ഇൻഷുറൻസ് ആഡ്-ഓൺ ഉപയോഗിച്ച്, കാറിന്റെ റിപ്പയർ ചെലവുകളും ഇൻഷ്വർ ചെയ്ത കാറിന്റെ ഘടകങ്ങൾ മാറ്റി സ്ഥാപിക്കുന്നതിനുള്ള ചെലവും ക്ലെയിം ചെയ്യാം.

2. പഴക്കം കൂടുംതോറും കാറിന്റെ വിവിധ ഘടകങ്ങളുടെ മൂല്യം കുറയും. അത് ഇൻഷുറൻസിൽ നിന്ന് അവയുടെ അറ്റകുറ്റപ്പണികൾക്കോ മാറ്റി സ്ഥാപിക്കാനോ ഉടമയ്ക്കു ക്ലെയിം ചെയ്യാനാകുന്ന തുകയെ ബാധിക്കുന്നു.

ബംപർ ടു ബംപർ ഇൻഷുറൻസ് ഉപയോഗിച്ച് കാർ ഇൻഷുറൻസ് ക്ലെയിമുകൾ ഫയൽ ചെയ്യുമ്പോൾ മൂല്യത്തകർച്ചയുടെ ആഘാതം കുറയ്ക്കാം. എന്നാൽ, ചില കാർ ഘടകങ്ങൾ ഈ ആഡ്-ഓണിൽ ഉൾപ്പെടുന്നില്ല.

3. ആഡംബര കാറോ സ്പോർട്സ് കാറോ ഉണ്ടെങ്കിൽ, കാർ ഇൻഷുറൻസ് പോളിസിയിൽ ഈ കവർ ഉൾപ്പെടുത്തിയിരിക്കണം.

കാരണം, ഉയർന്ന നിലവാരമുള്ള കാറുകളുടെ അറ്റകുറ്റപ്പണികൾക്കും പാർട്സ് മാറ്റുന്നതിനുമുള്ള ചെലവ് വളരെ ഉയർന്നതാണ്. ഇൻഷുറൻസ് പോളിസിയിൽ ബംപർ ആഡ്-ഓൺ നിർബന്ധമായും വേണം.

പ്രധാന സവിശേഷതകൾ

പോളിസി നൈലോൺ, റബർ, പ്ലാസ്റ്റിക്, ഫൈബർഗ്ലാസ് ഘടകങ്ങൾക്ക് കവറേജ് നൽകുന്നു.

തേയ്മാനമുള്ള ഘടകങ്ങൾ അല്ലെങ്കിൽ ഇൻഷുറൻസ് ചെയ്യാത്ത ഭാഗങ്ങൾക്കു കവറേജ് ലഭിക്കില്ല.