ഗോ ഗ്രീൻ

പരിസ്ഥിതി സൗഹൃദമായ "ഗ്രീൻ ഹൈഡ്രജൻ ഉപയോഗിച്ചുള്ള ബസ് ഡൽഹിയിൽ ഓടിത്തുടങ്ങി

- ജിക്കു വർഗീസ് ജേക്കബ്

രാജ്യത്തെ ആദ്യ "ഗ്രീൻ ഹൈഡ്രജൻ' ബസുകളാണ് കഴിഞ്ഞ ആഴ്ച ഡൽഹിയിൽ ഓടിത്തുടങ്ങിയത്. ഇന്ത്യൻ ഗതാഗതചരിത്രത്തിൽ സുപ്രധാനമായ വഴിത്തിരിവു കൂടിയാണിത്. ഇന്ത്യൻ ഓയിൽ കോർപറേഷന്റെ ഗവേഷണ വിഭാഗമാണ് 2 ഗ്രീൻ ഹൈഡ്രജൻ ബസുകൾ നിരത്തിലിറക്കിയത്. ടാറ്റ മോട്ടോഴ്സിന്റെ ബസുകളാ ണ് ഹൈഡ്രജൻ ബസുകളാക്കി മാറ്റിയെടുത്തത്. ഈ വർഷം അവസാനിക്കും മുൻപ് ഇത്തരം 15 ബസുകൾ നിരത്തിലിറക്കാനാണ് ഇന്ത്യൻ ഓയിലിന്റെ പദ്ധതി.

ഹൈഡ്രജൻ ഇന്ധനമായ വാഹനങ്ങൾ നിലവിലുണ്ടെങ്കിലും, പരിസ്ഥിതി സൗഹൃദമായ "ഗ്രീൻ ഹൈഡ്രജൻ' ഉപയോഗിച്ചുള്ള ബസ് സർവീസ് ഇതാദ്യമാണ്. ലഡാക്കിലെ ലേയിൽ കഴിഞ്ഞ മാസം നാഷനൽ തെർമൽ പവർ കോർപറേഷന്റെ (എൻടി പിസി) കീഴിൽ ഹൈഡ്രജൻ ബസിന്റെ പരീക്ഷണ ഓട്ടം ആരംഭിച്ചിരുന്നു. അശോക് ലെയ്ലൻഡ് ഹൈഡ്രജൻ ട്രക്കും ഭാരത് ബെൻസ് ഇന്റർസിറ്റി ലക്ഷ്വറി ഹൈഡ ജൻ ബസും അവതരിപ്പിച്ചിരുന്നു. ഇവ രണ്ടും റിലയൻസ് ഇൻഡസ്ട്രീസിന്റെ ഫ്യുവൽ സെൽ സാങ്കേതികവിദ്യ ഉപയോഗിച്ചാണു പ്രവർത്തിക്കുന്നത്.

350 കിമീ റേഞ്ച്

സിറ്റി സർവീസ് ബസുകളാണ് ഇന്ത്യൻ ഓയിലിന്റെ നേതൃത്വത്തിൽ ഡൽഹിയിൽ ഓടിത്തുടങ്ങിയിരിക്കുന്നത്. 4 സിലിണ്ട റുകളിലായി 30 കിലോ ഹൈഡ്രജൻ ഒരു സമയം സൂക്ഷിക്കാം. ഇതുപയോഗിച്ച് 350 കിമീ ഓടാം.