காதல் மணமா? ஏற்பாட்டு மணமா? எது சிறந்தது?

சுமார் 80 முதல் 85 விழுக்காடு ச சுவரையிலான மக்கள் நம்பகமான திருமண தளங்கள் மற்றும் பெற்றோர்கள் மூலம் ஏற்பாடு செய்யப்பட்ட திருமணங்களை செய்யவே விரும்புவதாக ஆய்வு முடிகள் தெரிவிக்கின்றன.

- 

திருமணம் என்பது இருவேறு குடும்பங்கள், பழக்க வழக்கங்கள், மனிதர்கள் என அனைவரும் ஒன்றாக சங்கமித்து வாழ்நாள் முழுவதும் ஒருவரை ஒருவர் தாங்கி நின்று, கொண்டாட வேண்டிய உறவுகளை ஏற்படுத்தும் ஒன்றாகும்.

திருமணத்தின் புனிதமான பிணைப்பானது இரு நபர்களை மட்டுமின்றி அவர்களது குடும்பத்தினரையும் இணைக்கிறது. பல ஆண்டுகளாக திருமண சடங்குகள் மற்றும் மரபுகள் பின்பற்றப்பட்டு வருகின்றன.

என்ன தான் காலங்கள் மற்றும் கலாச்சாரம் மாறினாலும் நாட்டில் இன்னும் திருமணப்பந்தத்தின் முக்கியத்துவம் உணரப்பட்டு கொண்டு தான் இருக்கிறது. இந்திய சமுதாயத்தை பொறுத்தவரை என்றுமே காதல் திருமணங்களை விட பெற்றோர்கள் மற்றும் பெரியவர்களால் நிச்சயிக்கப்பட்டு நடத்தி வைக்கப்படும் திருமணங்களே இன்றளவும் சிறந்ததாக கருதப்படுகின்றன.

அதற்கு எடுத்துக்காட்டாக சுமார் 80 85 விழுக்காடு மக்கள் நம்பகமான திருமண தளங்கள் மற்றும் பெற்றோர்கள் மூலம் ஏற்பாடு செய்யப்பட்ட திருமணங்களை செய்யவே விரும்புவதாக ஆய்வு முடிகள் தெரிவிக்கின்றன.

அதே சமயம் இந்தியாவில் வெகுசிலரே கலாச்சார வேறுபாடுகளை பொருட்படுத்தாமல், குடும்பத்தினருடன் உடன்படாமல் காதல் திருமணத்தை தேர்வு செய்கிறார்கள் என்றும் அந்த ஆய்வில் கூறப்பட்டுள்ளது. காதல் திருமணங்களை விட பெற்றோரால் செய்து வைக்கப்படும் திருமணங்கள் ஏன் சிறந்ததாக இருக்க கூடும் என்பதற்கான சில காரணங்களையும் ஆய்வின் முடிவில் பட்டியலிட்டுள்ளார்கள்.

பெற்றோர் மற்றும் பெரியவர்கள் முடிவு செய்து திருமணம் நடத்தி வைத்துள்ளதால் தம்பதியர் இருவருக்கும் இயல்பாகவே ஒரு பொறுப்புணர்வு இருக்கும். பெரியவர்கள் மனம் புண்படாதபடி நடந்து கொள்ள வேண்டும் என்பதில் அதிக கவனம் இருக்கும். பெற்றோர்களுக்கு சங்கடம் தரும் வகையில் எதையும் செய்ய தயக்கம் இருக்கும்.

மேலும் காதல் திருமணத்தில் இருப்பதை விட தம்பதியருக்குக்கிடையே மரியாதை இருக்கும்.