ஜாவா தீவில் மூழ்கிய நகரம்?

ஜாவா தீவு, இந்தோனேசியாவில் உள்ள உலகின் அதிக மக்கள் தொகை கொண்ட ஒரு பெரிய தீவு ஆகும்.

- -எஸ்.ரவீந்திரன்

இது தெற்கே இந்தியப் பெருங்கடல் மற்றும் வடக்கே ஜாவா கடல் ஆகியவற்றால் சூழப்பட்டுள்ளது. சமீபத்தில் இந்தோனேசியாவில் ஜாவா மற்றும் மதுரா தீவுகளுக்கு இடையில் கடலுக்கு அடியில் 140,000 ஆண்டுகள் பழமையான நகரமான சுந்தலாந்து கண்டுபிடிக்கப்பட்டுள்ளது.

பனிப்பாறைகள் உருகியதால் ஏற்பட்ட கடல் மட்ட உயர்வு, 120 மீட்டருக்கும் அதிகமாக அதிகரித்து, சுந்தலாந்தின் தாழ்வான பகுதிகள் வெள்ளத்தில் மூழ்கின. ஆனால் இங்கு கிடைத்த சில சான்றுகள், கலை வெளிப்பாடுகளை போலவே முக்கிய ஆதாரங்கள் ஆப்பிரிக்காவில் சுமார் 100,000 ஆண்டுகளுக்கு முன்பு தோன்றியதாகக் கூறுகின்றன.

இந்தப் புதைபடிவங்களும் புதையுண்ட நகரமும் முதன்முதலில் 2011-ம் ஆண்டு சுரபயா அருகே மணல் சுரங்கத் தொழிலாளர்களால் கண்டுபிடிக்கப்பட்டு, பின்னர் விஞ்ஞானிகளிடம் ஒப்படைக்கப்பட்டன. அதை ஆராய்ந்த விஞ்ஞானிகள் இப்போது எச்சங்களின் வயது மற்றும் இனங்களை உறுதிப்படுத்தியுள்ளனர்.

இதன் மூலம் பள்ளத்தாக்கு வண்டல் மற்றும் புதைபடிவங்கள் தோராயமாக 162,000 முதல் 119,000 ஆண்டுகளுக்கு முந்தையவை என்பது தெரியவந்துள்ளது.

தென்கிழக்கு ஆசியாவில் தற்போது கடலின் அடிப்பகுதியில் இருந்து ஆராய்ச்சியாளர்கள் ஹோமோ எரெக்டஸ் எலும்புகளை மீட்டெடுத்துள்ளனர். அழிந்துபோன மனித மூதாதையர் இனமான ஹோமோ எரெக்டஸின் எலும்புகள் உட்பட 6,000 க்கும் மேற்பட்ட புதைபடிவங்கள் இந்த தீவின் கடல் தளத்திலிருந்து மீட்கப்பட்டுள்ளன.