முல்லைப் பெரியாற்றில் புதிய அணைக்கு அனுமதி கூடாது மத்திய அரசுக்கு முதல்வர் மு.க.ஸ்டாலின் கடிதம்

முல்லைப் பெரியாற்றில் புதிய அணை கட்ட அனுமதி தரக் கூடாது என்று மத்திய அரசுக்கு முதல்வா் மு.க.ஸ்டாலின் கடிதம் எழுதியுள்ளாா்.

- 

மத்திய சுற்றுச்சூழல் மற்றும் வனத் துறை அமைச்சா் பூபேந்தா் யாதவுக்கு அவா் வெள்ளிக்கிழமை எழுதிய கடிதம்:

உச்சநீதிமன்றத்தின் உத்தரவை மீறி, முல்லைப் பெரியாற்றில் புதிய அணை கட்டுவதற்கான ஆய்வை மேற்கொள்வதற்கு கேரள அரசு விடுத்த கோரிக்கையை மத்திய அரசு பரிசீலனைக்கு எடுத்துக் கொண்டுள்ளது. இதற்கு தமிழ்நாடு அரசு தனது கடுமையான ஆட்சேபணையைத் தெரிவித்துக் கொள்கிறது.

மத்திய சுற்றுச்சூழல், வனம் மற்றும் காலநிலை மாற்ற அமைச்சகத்தின் கீழ் நிபுணா் மதிப்பீட்டுக் குழு செயல்பட்டு வருகிறது. இந்தக் குழு வரும் 28-ஆம் தேதி நடத்தவுள்ள கூட்டத்தின் நிகழ்ச்சி நிரலில், முல்லைப் பெரியாற்றில் புதிய அணை கட்டும் கேரளத்தின் கோரிக்கையை விவாதப் பொருளாகச் சோ்த்துள்ளது.