എംജി മജസ്റ്റർ

ട്രിപ്പിൾ ഡിഫറൻഷ്യൽ ലോക്ക് അടക്കമുള്ള സംവിധാനങ്ങളുമായി എംജിയുടെ പുതിയ എസ് യു വി

- നോബിൾ എം. മാത്യു

ഡി പ്ലസ് എസ് യു വി എന്ന വിശേഷണവുമായാണ് എംജിയുടെ പുതിയ എസ് യു വി മജസ്റ്ററിന്റെ വരവ്. എന്താണ് ഡി പ്ലസ് എന്നതുകൊണ്ട് എംജി ഉദ്ദേശി ക്കുന്നത്? ഇന്ത്യൻ വിപണിയിലെ ഡിസെഗ്മെന്റ് വാഹനങ്ങളെക്കാളും പെർഫോമൻസ്, ഫീച്ചേഴ്സ്, സ്റ്റൈൽ എന്നിവയിലെല്ലാം ഒരുപടി മുന്നിൽ എന്നു തന്നെ! കാരണം, ഈ സെഗ്മെന്റിലെ താരമായ ഫോർ ച്യൂണർ തന്നെയാണ് മജിന്റെ എതിരാളി. നിലവിൽ ഗ്ലോസ്റ്ററാണ് ആ സെഗ്മെന്റിലെ എംജിയുടെ പോരാളി. പക്ഷേ, ഫോർച്യൂണറി ന്റെ കുതിപ്പിനു തടയിടാൻ ഗ്ലോറിനായിട്ടില്ല. അവിടെയാണ് മജസ്റ്ററിന്റെ റോൾ. ഓഫ്റോഡ് മികവും ഒപ്പം നൂതന ഫീച്ചറുമായെത്തിയ മജസ്റ്ററിനെ വിശദമായൊന്നു കാണാം.

മാസ് ലുക്ക്

ഫോർച്യൂണറിനെക്കാളും ഗ്ലോസ്റ്ററിനെക്കാളും നീളവും വീതിയും ഉയരവും കൂടുതലുണ്ട് മജസ്റ്ററിന്. നീളം, വീതി, ഉയരം എന്നിവ യഥാ ക്രമം 5046 എംഎം, 2016 എംഎം, 1876 എംഎം. മാസ് ലുക്കാണ് ഹൈലൈറ്റ്. 19 ഇഞ്ച് ടയറുകൾ.

പിയാനോ ബ്ലാക്ക് ഫിനിഷിലുള്ള വലിയ ഗ്രിൽ. കുത്തനെയുള്ള ഹൈ ലൈറ്റ്. വലിയ സ്കിഡ് പ്ലേറ്റ്.

സെഗ്മെന്റിലെ ഏറ്റവും വലുപ്പമേറിയ വാഹനമാണ് മജസ്റ്റർ. 2950 എംഎം ആണ് വീൽബേസ്. മൊസെയ്ക്ക് മെട്രിക്സ് കോമ്പിനേഷൻ ഗ്രിൽ, ഗൺ ഐ ഡിആർഎൽ, സ്പ്ലിറ്റ് ഹെഡ്ലാംപ്, ഉയർന്ന ബോണറ്റ് ലൈൻ എന്നിവ ഡിസൈൻ സവിശേഷതകൾ.

പ്രീമിയം ഇന്റീരിയർ

ഗ്ലോസറിനെക്കാളും പ്രീമിയം ആക്കിയിട്ടുണ്ട് ഇന്റീരിയർ. വലിയ പനോരമിക് സൺറൂഫാണ്. ഓൾ ബ്ലാക്ക് തീമിലാണ് ഇന്റീരിയർ. ഡാഷ്ബോർഡിലും ഡോർ പാഡിലുമെല്ലാം സോഫ്റ്റ് മെറ്റീരിയൽ കൊണ്ട് പ്രീമിയം ആക്കിയിട്ടുണ്ട്.

12.3 ഇഞ്ചിന്റെ വലിയ ടച്ച് സ്ക്രീൻ ഇൻഫൊടെയ്ൻമെന്റ് സിസ്റ്റവും 12.3 ഇഞ്ച് വലുപ്പമുള്ള ഡിസ്പ്ലേയുമാണ്. 64 കളർ ആം ബിയന്റ് ലൈറ്റിങ്, 3 സോൺ ക്ലൈമറ്റ് കൺട്രോൾ, 12 സ്പീക്കർ ജെബിഎൽ സൗണ്ട് സിസ്റ്റം 220 വോൾട്ട് ചാർജിങ് പോർട്ട്, 75 ൽ അധികം ഐസ്മാർട് കണക്ടിവിറ്റി ഫീച്ചേഴ്സ് എന്നിങ്ങനെ ഒട്ടേറെ സവിശേഷതകളുമായാണ് മജസ്റ്ററിന്റെ വരവ്.