200 കിമീ റേഞ്ചുമായി പറന്നുയരാൻ മഹീന്ദ്ര ഉഡോ

3-വീലർ സെഗ്മെന്റിൽ വൻ മാറ്റങ്ങൾക്കു തുടക്കം കുറിച്ച് മഹീന്ദ്ര ഉഡോ

- റോഷ്നി കെ.

200 കിമീ റേഞ്ച്, സ്മാർട് കണക്ടിവിറ്റി ഫീച്ചറുകൾ ഓട്ടോകളിലെ എസ്യുവി എന്ന വിശേഷണവുമായി മഹീന്ദ്രയുടെ ഏറ്റവും പുതിയ ഇലക്ട്രിക് ഓട്ടോ ഉഡോ വിപണിയിലെത്തി. അരനൂറ്റാണ്ടായി കാര്യമായ ഡിസൈൻ മാറ്റങ്ങളൊന്നുമില്ലാതെയിരിക്കുന്ന ത്രീ വീലർ സെഗ്മെന്റിൽ അത്യാധുനിക സൗകര്യങ്ങളുമായാണ് ഉഡോ എത്തിയിരിക്കുന്നത്. 3,84,299 രൂപയാണ് എക്സ്ഷോറൂം വില. പ്രാരംഭ ഓഫർ ആയി 3,58,999 രൂപയ്ക്കു ലഭിക്കും.

ഡിസൈൻ

ഇന്ത്യയിലെ ആദ്യ ഓട്ടോ പ്ലെയിൻ എന്നാണ് ഉഡോയെ വിശേഷിപ്പിക്കുന്നത്. ഓൾ ന്യൂ മോഡുലാർ പ്ലാറ്റ്ഫോമിലാണ് ഡിസൈൻ. ഈ പ്ലാറ്റ്ഫോം അടിസ്ഥാനമാക്കി കൂടുതൽ മോഡലുകൾ ഭാവിയിൽ നിർമിക്കാം.