ഒറ്റയ്ക്കു വഴിവെട്ടിയ ജെസിബി

ലോകമാകെ വഴിവെട്ടി സ്വന്തം സാമ്രാജ്യം വളർത്തിയ ജെസിബിയുടെ ചരിത്രവഴികളിലൂടെ...

- സുബിൻ ബാലൻ

ജെസിബി എന്നു കേട്ടാൽ "മണ്ണുമാന്തി യന്ത്രം' എന്നാണ് നമ്മൾ മനസ്സി ലാക്കുക. സത്യത്തിൽ ജെസിബി എന്നത് ഒരു കമ്പനിയുടെ പേരാണ്. അപൂർവം കമ്പനികൾക്കു മാത്രമേ ഒരു വിഭാഗം ഉൽപന്നങ്ങളുടെ മൊത്തം പേരായി ജനമനസ്സിൽ ഇടംപിടിക്കാനുള്ള ഭാഗ്യം ലഭിച്ചിട്ടുള്ളൂ. അതിലൊന്നാണ് ജെസിബി സത്യത്തിൽ എന്താണ് ജെസിബി എന്നതു കൊണ്ട് അർഥമാക്കുന്നത്? ജെസിബിക്ക് മഞ്ഞനിറം നൽകിയതിനു പിന്നിൽ എന്തെ ങ്കിലുമുണ്ടോ? ജെസിബിയുടെ പിറവിയും വളർച്ചയും എങ്ങനെ? ജനിച്ചത് ബ്രിട്ടനിലെങ്കിലും ഇന്ത്യയുമായുള്ള ജെസിബിയുടെ ബന്ധം എന്താണ്?

ഒരു വഴിപോലുമില്ലാത്ത കാട്ടിലേക്കു സ്വയം വഴിവെട്ടി പോവാൻ സാധിക്കുന്നവയാണ് ജെസിബിയുടെ പല മണ്ണുമാന്തി യന്ത്രങ്ങളും. സമാനമായ രീതിയിൽ സ്വന്തം നിലയ്ക്ക് വഴിവെട്ടി ലോകമാകെ പടർന്നു പന്തലിച്ച കമ്പനിയാണ് ജെസിബി. ജെസിബിയുടെ ചരിത്രത്തിലൂടെ.

ജോസഫ് സിറിൾ ബാംഫോർഡ്

ജെസിബിയുടെ ചരിത്രം പറയുമ്പോൾ ആദ്യം പറയേണ്ട പേരാണ് ജോസഫ് സിറിൾ ബാംഫോർഡിന്റേത്. ബ്രിട്ടനിലെ പ്രസിദ്ധമായ കാർഷികയന്ത്രങ്ങളുടെ ബിസിനസ് നടത്തുന്ന കുടുംബത്തിലാണ് ജോസഫ് സിറിൾ ബാംഫോർഡിന്റെ ജനനം. ബാംഫോർഡ്സ് ലിമിറ്റഡ് എന്ന കാർഷിക യന്ത്രങ്ങൾ നിർമിക്കുന്ന കമ്പനി സ്ഥാപിച്ചത് അദ്ദേഹത്തിന്റെ അപ്പൂപ്പനായിരുന്ന ഹെൻറി ബാംഫോർഡായിരുന്നു. യുകെയിലെ സ്റ്റോണിഹ് കോളജിലാ യിരുന്നു ഉന്നത വിദ്യാഭ്യാസം. ബ്രിട്ടനിലെ അക്കാലത്തെ ഏറ്റവും വലിയ മെഷീൻ ടൂൾ നിർമാണ കമ്പനിയായ ആൽഫ്രഡ് ഹെർബെർട്ടിലായിരുന്നു ആദ്യ ജോലി. പിന്നീട് ഘാനയിലേക്ക് ഈ ജോലിയുടെ ആവശ്യത്തിനു പോവുന്ന ജോസഫ് 1938ൽ തിരിച്ചെത്തി കുടുംബ ബിസിനസിൽ പങ്കാളിയായി.

രണ്ടാം ലോകമഹായുദ്ധം ജോസഫിന്റെ ജീവിതത്തെ ആകെ മാറ്റിമറിച്ചു. 1941ൽ ബ്രിട്ടിഷ് റോയൽ എയർഫോഴ്സിൽ ചേർന്നു. യുദ്ധവും സൈനികസേവനവും ജോസഫ് സിറിൾ ബാംഫോർഡിന്റെ പിന്നീടുള്ള ജീവിതത്തിലും ജെസിബി സ്ഥാപിക്കുന്നതിലും നിർണായക സ്വാധീനമായി മാറുകയും ചെയ്തു.

ജെസിബിയുടെ തുടക്കം