'ഫ്രീക്ക്' ഗറില

റോയൽ എൻഫീൽഡ് ഗറിലയുമൊത്ത് ഒരു മാസം

- നോബിൾ എം. മാത്യു

റോയൽ എൻഫീൽഡിന്റെ ആദ്യ റോഡ്സ്റ്ററാണ് ഗറില 450. പുതു തലമുറ ഷെർപ എൻജിനുമായെത്തുന്ന രണ്ടാമത്തെ മോഡൽ. സിറ്റി റൈഡിലാണേ അതോ ലോങ് ഡ്രൈവിലാണോ കംഫർട്ട് കൂടുതൽ, അതോ രണ്ടിനും പറ്റുന്ന വാഹനമാണോ? തുടങ്ങിയ ചോദ്യങ്ങൾക്കുള്ള ഉത്തരം തേടിയാണ് കൊച്ചി ബാൻഡ് ഷോറൂമിൽ നിന്നും ലോങ് റിവ്യൂവിന് എടുക്കുന്നത്. ഒരു മാസത്തെ ഓട്ടത്തിനിടയിൽ അറിഞ്ഞ കാര്യങ്ങൾ പറയാം.

ഇതേത് മോഡലാ

കൊച്ചിയിൽ നിന്നും കോട്ടയത്തേക്കുള്ള ആദ്യ യാത്രയിൽ തന്നെ ആളുകളുടെ മുഖത്തുനിന്നും വായിച്ചെടുത്ത കാര്യമിതാണ്. ചായകുടിക്കാൻ നിർത്തിയിടത്തും മറ്റൊന്നുമല്ല സ്ഥിതി. എന്നാൽ ചെറുപ്പക്കാർ ഇവനെ കൗതുകത്തോടെ നോക്കുന്നുമുണ്ട്. ഒരു കാര്യം വ്യക്തമായി. ഡിസൈനും റോഡ് പ്രസൻസും കിടു.

സ്ക്രാംബ്ലർ അടക്കമുള്ള മോഡലുകൾക്കു വെല്ലുവിളിയേകുന്ന റോഡ്സ്റ്റർ ഡിസൈനു കൊള്ളാം.