ഇലക്ട്രിക് വാഹന നിർമാണ രംഗത്തെ ഒന്നാമൻ

ടെസ്ലയെ പിന്നിലാക്കി കുതിപ്പു തുടരുന്ന ചൈനീസ് ഇലക്ട്രിക് വാഹനനിർമാതാക്കളായ ബിവൈഡിയുടെ വിജയപാതയിലൂടെ

- കെ. ശങ്കരൻകുട്ടി

ടെസ്ല, ബിവൈഡി- ലോകത്തിലെ ഇലക്ട്രിക് വാഹന വിപണിയിൽ മുൻനിരയിലുള്ള രണ്ടു വമ്പൻ കമ്പനി കളാണിത്. ഇതു രണ്ടും തുടങ്ങിയത് 2003ലാണെന്നത് ഒരു ആകസ്മികതയാണ്. 2003 ജൂലൈയിലാണ് അമേരിക്കയിൽ ടെസ്ല മോട്ടോഴ്സ് സ്ഥാപിക്കപ്പെട്ടത്. അതേ വർഷം ജനുവരിയിൽ ചൈനയിൽ ബിവൈഡി ഓട്ടോ എന്ന കമ്പനിയും നിലവിൽ വന്നു. ഇരു കമ്പനികളുടെയും പ്രഖ്യാപിത ലക്ഷ്യം ഇലക്ട്രിക് വാഹനങ്ങൾ നിർമിക്കുക എന്നതായിരുന്നു. രണ്ടു പതിറ്റാണ്ടുകൾക്കിപ്പുറം ഇരു കമ്പനികളും ഇലക്ട്രിക് വാഹന വിപണിയിലെ ആഗോള ഭീമന്മാരായി വളർന്നു കഴിഞ്ഞു. അത്യാധുനിക സാങ്കേതികവിദ്യയുടെ ഉപയോഗം കൊണ്ടു ടെസ്ല ആദ്യം മുതൽ ശ്രദ്ധയാകർഷിച്ചിരുന്നു. എന്നാൽ കഴിഞ്ഞ നാലു വർഷത്തിനിടയിൽ ബിവൈഡി നേടിയത് അമ്പരപ്പിക്കുന്ന കുതിച്ചുചാട്ടമാണ്. 2016 മുതൽ ഇലക്ട്രിക് വാഹന നിർമാണരംഗത്ത് ഒന്നാമനായിരുന്ന ടെസ്ലയെ 2022ൽ ബിവൈഡി മറികടന്നു!

ബിൽഡ് യുവർ ഡ്രീംസ് (ബിവൈഡി)

വാങ് ചുവാൻഫു ബാറ്ററി നിർമിക്കാനായി 1995ൽ ചൈനയിൽ തുടങ്ങിയ കമ്പനിയാ ചൈനീസ് സർക്കാരിന്റെണ് ബിവൈഡി. നിയന്ത്രണത്തിലായിരുന്ന ക്വിൻചുവാൻ ഓട്ടമൊബീൽ എന്ന ചെറിയ കമ്പനിയെ ഏറ്റെടുത്തു കൊണ്ടാണ് ബിവൈഡി വാഹന നിർമാണരംഗത്തു പ്രവേശിച്ചത്. ഇവരുടെ നിർമാണത്തിലിരുന്ന ചെറിയ ഹാച്ച്ബാക്ക് ബിവൈഡി ഫ്ലയർ എന്ന പേരിൽ വിപണിയിലിറക്കിയായിരുന്നു തുടക്കം. സുസുക്കി ആൾട്ടോയുടെ ഒരു പുനർരൂപകൽപനയായിരുന്ന ഈ വാഹനത്തിനുശേഷം മറ്റൊരു കാർ പൂർണമായും സ്വന്തം നിലയ്ക്കു നിർമിച്ചെങ്കിലും അതു പരാജയമായിരുന്നു. എന്നാൽ 2005ൽ ടൊയോട്ട കൊറോള യുമായി സാമ്യമുള്ള BYD F3 നിർമിക്കുകയും വിലക്കുറവിന്റെ പിൻബലത്തിൽ ചൈനീസ് വിപണിയിൽ ഒരിടം കണ്ടത്താൻ കഴിയുകയും ചെയ്തു. തുടർന്നു ഹോണ്ട് അക്കോർഡിന്റെ രൂപത്തിൽ ഇറക്കിയ BYD F6നും നല്ല സ്വീകരണം ലഭിച്ചു. പ്രചാരത്തിലുള്ള വിദേശവാഹനങ്ങളുടെ രൂപകൽപനയും സാങ്കേതികവിദ്യയും പകർത്തുകയും വിലക്കുറവിൽ വിൽക്കുകയും ചെയ്താണ് ബിവൈഡി ആദ്യകാലങ്ങളിൽ വളർന്നത്.

ബാറ്ററിയടക്കമെല്ലാം സ്വന്തം