വെറൈറ്റി സ്കൂട്ടർ

16 ഇഞ്ച് വീലും ബൈക്കുകളുടേതു പോലുള്ള സസ്പെൻഷനുമായി ബിഗോസ് ആർയുവി 350

- നോബിൾ എം. മാത്യു

ഇന്ത്യൻ വിപണിയിലെ ആദ്യ ആർയുവി എന്ന വിശേഷണത്തോടെയാണ് ആർയുവി 350 എന്ന ഇലക്ട്രിക് സ്കൂട്ടറിനെ ബിഗോസ് അവതരിപ്പിച്ചിരിക്കുന്നത്. എന്താണ് ആർയുവി? ആർയുവി എന്നാൽ റൈഡേഴ്സ് യൂട്ടിലിറ്റി വെഹിക്കിൾ. സ്കൂട്ടറിന്റെയും ബൈക്കിന്റെയും സവിശേഷതകൾ കൂടിച്ചേർന്ന വാഹനം എന്ന് ഒറ്റവാക്കിൽ പറയാം. കാരണം 16 ഇഞ്ച് വീലുകളാണ് ഇതിനു നൽകിയിരിക്കുന്നത്. നിരത്തിലെ ഒരു ഇലക്ട്രിക് സ്കൂട്ടറിനും ഈ സ്പെക്കിലുള്ള വീലുകളില്ല. മാത്രമല്ല ബൈക്കുകളുടേതു പോലുള്ള ടെലസ്കോപിക് ഫോർക്കും മോണോഷോക്കുമാണ് നൽകിയിരിക്കുന്നത്.