ടോപ് 10 കാറുകൾ

ഇന്ത്യയിൽ ഏറ്റവും കൂടുതൽ വിറ്റുപോകുന്ന ആദ്യ 10 സ്ഥാനക്കാർ

- റോഷ്നി

ജൂൺ മാസത്തിൽ ഏറ്റവും കൂടുതൽ വിറ്റുപോയ പത്തു കാറുകളിൽ ഏറ്റവും കൂടുതൽ എസ്യുവികളാണ്. അടുത്തിടെയാണ് വിപണിക്ക് എസ്യുവികളോടു പ്രിയമേറുന്നത്. വർഷങ്ങളായി ഒന്നാം സ്ഥാനം അലങ്കരിച്ചിരുന്ന മാരുതി സുസുക്കി രണ്ടാം സ്ഥാനത്തേക്ക് പിൻതള്ളപ്പെട്ടു. എന്നാൽ, ആദ്യ പത്തു കാറുകളിൽ ആറും മാരുതിയുടേതു തന്നെ. ടാറ്റയും, ഹ്യുണ്ടയും മഹീന്ദ്രയുമാണ് ടോപ് 10 ൽ സ്ഥാനം പിടിച്ച മറ്റു നിർമാതാക്കൾ.

1) ടാറ്റ പഞ്ച് - 18,238 യൂണിറ്റുകൾ

ടാറ്റ നൽകിയ കിടിലൻ പഞ്ചാണ് ഈ കുഞ്ഞ് എസ്യുവി. വിപണിയിലെത്തി വളരെ കുറഞ്ഞ സമയത്തിനുള്ളിൽ ബംപർ ഹിറ്റ്! നഗരത്തിരക്കിലലിയാൻ ചെറു എസ് യുവി തിരയുന്നവർക്ക് ബെസ്റ്റ് ചോയ്സ്. ഇന്ന് രാജ്യത്ത് ഏറ്റവും കൂടുതൽ വിൽക്കുന്ന കാർ എന്ന സ്ഥാനം സ്വന്തമാക്കിയിട്ടു കുറച്ചുമാസങ്ങളായി. ടാറ്റയുടെ 2 in1 മോഡൽ എന്നു വേണമെങ്കിൽ പഞ്ചിനെ വിശേഷിപ്പിക്കാം. ഹാച്ച് ബാക്കിന്റെ സൗകര്യവും എസ്യുവിയുടെ സവിശേഷതകളും ഒത്തിണങ്ങിയ മോഡൽ നഗര, ഹൈവേ യാത്രകൾക്ക് ഒരുപോലെ പ്രയോജനപ്പെടുത്താം. ചെറിയ കാർ ആയതിനാൽ സിറ്റി പാർക്കിങ് തലവേദന ആകില്ല. 1.2 ലീറ്റർ, 3-സിലിണ്ടർ പെട്രോൾ എൻജിനാണിതിൽ. കരുത്ത് 84.8 എച്ച്.പി. ടോർക്ക് 113 എൻഎം. ട്രാൻസ്മിഷൻ മാന്വൽ, എഎംടി. പെട്രോൾ, സിഎൻജി, ഇലക്ട്രിക് എന്നിങ്ങനെ മൂന്ന് ഓപ്ഷനുകളുണ്ട്. പെട്രോൾ മോഡലിന് 19 കിമീ മൈലേജ് ലഭിക്കും. സിഎൻജി ആണെങ്കിൽ 27 കിമീ ലഭിക്കും. ഇലക്ട്രിക് മോഡലിന് 351 കിമീ, 421 കിമീ എന്നിങ്ങനെ റേഞ്ച് ലഭിക്കുന്ന രണ്ട് ബാറ്ററി ഓപ്ഷനുകളുണ്ട്.

എക്സ് ഷോറൂം വില

പെട്രോൾ - 16.12 - 10.19 ലക്ഷം
സിഎൻജി - 7.22 - 9.84 ലക്ഷം
ഇലക്ട്രിക് - 110.99 - 15.49 ലക്ഷം

2) മാരുതി സ്വിഫ്റ്റ് - 16,422 യൂണിറ്റുകൾ