അമ്മാവ് വീഴുമ്പോൾ...

COFFEE BREAK

- വിനോദ് നായർ

വഴിയിലേക്കു മിഴി തുറക്കുന്നതായിരുന്നു അമ്മയുടെ കിടപ്പുമുറി. ആ ജനലിനു മാത്രം.അമ്മ കർട്ടനിടാറില്ല. ജനാലയിലൂടെ നോക്കിയാൽ റോഡ് ഓടിയടുക്കുന്നതു ദൂരെനിന്നേ കാണാം. മകൻ സൂര്യകിരണിന്റെ ബൈക്ക് റോഡിന്റെ അറ്റത്ത് എത്തുമ്പോൾത്തന്നെ അമ്മ കാണുമായിരുന്നു. ബൈക്കിന്റെ ഹെഡ് ലൈറ്റ് ആദ്യം തന്നെ വന്ന് അമ്മയുടെ ജനാലച്ചില്ലിൽ തട്ടും. എത്ര ഉറക്കമായാലും ബൈക്ക് മുറ്റത്തു അമ്മ ഉണരും. കയറി വന്നാലും ആദ്യം വാതിൽ തുറക്കില്ല. അമ്മേ എന്ന വിളി കേൾക്കണം.

വരാൻ വൈകിയെങ്ങാനും പോയാൽ രണ്ടോ മൂന്നോ തവണ വിളിച്ചാലേ നട തുറക്കൂ. നീ വന്നത് അറിഞ്ഞില്ല എന്ന നാട്യത്തിലാണ് കതകു തുറക്കുക.

എന്തു ചെയ്യാനാ ശാലൂ, വൈറ്റിലയിൽ നല്ല ബ്ലോക്കായിരുന്നു എന്നു പറഞ്ഞ് തണുപ്പിക്കാൻ നോക്കിയാൽ അതിലുമധികം ബ്ലോക്കായിരുന്നു എന്റെ ചങ്കിലെന്നു മറുപടി. അതായിരുന്നു കിരണിന്റെ അമ്മ ശാലിനി മുകുന്ദൻ.