BOLD & BEAUTIFUL

അകത്തും പുറത്തും കാതലായ മാറ്റങ്ങളുമായി നെക്സോണിന്റെ പരിഷ്കരിച്ച പതിപ്പ്

- 

ഇന്ത്യൻ വാഹന വിപണിയിൽ ഏറ്റവും കൂടുതൽ വിൽക്കുന്ന എസ്യുവികളിലൊന്ന്, ഗ്ലോബൽ എൻസി എപിയുടെ 5 സ്റ്റാർ സേഫ്റ്റി റേറ്റിങ് നേടുന്ന ആദ്യ ഇന്ത്യൻ നിർമിത വാഹനം എന്നീ നേട്ടങ്ങളുമായി ടാറ്റയുടെ ചെറിയ എവി കുതിക്കാൻ തുടങ്ങി യിട്ട് ആറ് വർഷമാകുന്നു. 2017 ൽ നിരത്തിലെത്തിയ നെക്സോണിന്റെ വിൽപന 5 ലക്ഷം കടന്നിരിക്കുകയാണ്. നെസോണിന്റെ വിജയം മറ്റുള്ളവർക്ക് പാഠമായപ്പോൾ തൽ മോഡലുകൾ നിരത്തിലെത്തി. മത്സരം കടുത്തു. സ്വാഭാവികമാ യും മാറ്റങ്ങളോടെ നെക്സോണും എത്തേണ്ട സമയമായി. അങ്ങനെ നെക്സോണിനെ ടാറ്റ ഒന്നു പുതു ക്കിപ്പണിതു. അതാണ് നെക്സോൺ 2023 മോഡൽ. പ്രതീക്ഷിച്ചതിലും  വമ്പൻ മാറ്റവുമായാണ് നെക്സോണിന്റെ വരവ്. വിശദമായി ഒന്നു കാണാം.

ഡിസൈൻ

നെക്സോണിന്റെ രണ്ടാമത്തെ ഫേസ്ലിഫ്റ്റാണിത്. ആദ്യത്തെ ഫേസ്ലിഫ്റ്റ് 2020 ൽ ആയിരുന്നു. എന്നാൽ, ഇത്തവണ ഫേസ്ലിഫ്റ്റ് എന്നു പറയുന്നതിനെക്കാളും അടി മുടി പുതിയ വാഹനമെന്നു വിളിക്കു ന്നതായിരിക്കും ശരി. അത് മാറ്റം പ്രകടമാണ്. മുൻ വശവും പിൻഭാഗവും ഉടച്ചു വാർത്തു. പുതിയ ബോണറ്റും ഫെൻഡറും ഗ്രില്ലും ബംപറുമെല്ലാമാണ്. പഴയതിനെക്കാളും കൂടുതൽ ബോൾഡായി. ഉയർന്ന ബോണറ്റിന്റെ വശങ്ങളിൽ മസിൽ തുടിപ്പുകൾ നൽകി. കരുത്തുറ്റ വീൽ ആർച്ചും ചേർന്നതോടെ മുൻ വശത്തിനു നല്ല എടുപ്പു കൈവന്നു. കനം കുറഞ്ഞ സീക്വൻഷ്യൻ എൽഇഡി ഡേ ടൈം റണ്ണിങ് ലാംപും പിയാനോ ബ്ലാക്ക് ഫിനിഷിലുള്ള ഫോക്സ് ഗ്രില്ലും വേറിട്ടു നിൽക്കുന്നു. ഗ്രില്ലിനു താഴെ വശങ്ങളിൽ എയർവെന്റിനോടു ചേർന്നാണ് ഹെഡ്ലാംപ് ക്ലസ്റ്റർ. ഫങ്ഷൻ എൽഇഡി ഹെഡ്ലാംപാ ണ്. ഇതിനോടൊപ്പം ഫോഗ്ലാംപും നൽകിയിരിക്കുന്നു. ബ്ലാക്ക് ഫിനിഷിൽ വലിയ എയർ ഡാമും ബൈ താഴെയായി സിൽവർ നിറത്തിൽ ഒരു ഫോക്സ് സ്കിഡ് പ്ലേറ്റും നൽകിയത് എസ്യുവിത്വം കൂട്ടുന്നു.