જળના ભરોસે હોડીબાઈ નીસર્યા..

કાયાક એટલે કે એક કે બે જ વ્યક્તિ બેસી શકે એવી નાની હોડી લઈને એક ગુજરાતી સાહસિક નદીના પટ અને દરિયાનાં મોજાં પર છેલ્લા બે દાયકાથી ફરી-તરી રહ્યો છે. આ અઠવાડિયે એ નર્મદાની આવી જ એક રોમાંચક સફરે નીકળે એ પહેલાં આવો, એની આ પાણીદાર યાત્રા વિશે જાણીએ.

- જવલંત છાયા (રાજકોટ)

દ્વારકામાં ગોમતી નદીનાં પવિત્ર જળ જ્યાં વિરાટ સાગરમાં વિલીન થાય છે એ સ્થળેથી આ જળવીરે ૧૫ ઑક્ટોબર, ૨૦૧૮ના દિવસે દીવની સવા ત્રણસો કિલોમીટરની દરિયાઈ સફર શરૂ કરી.