ചൂടൻ ചായയ്ക്ക് മസ്ക ബൺ

'ചായ് മെറ്റ് മസ്ക ബൺ ട്രെൻഡിനു കേരളത്തിൽ തുടക്കമിട്ട 'ചായ കപ്പിൾ ശരൺ ദിലീപും ശ്രീലക്ഷ്മിയും

- ഡെൽന

സ്വർണനിറമുള്ള ഫ്രഷ് സോഫ്റ്റ് ബണ്ണിന്റെ മനസ്സു തുറന്ന് ചില പൊടിക്കൈകൾ ചേർ ത്ത ബട്ടർ നിറയ്ക്കും. അതങ്ങനെ പഞ്ഞി പോലെ ഒരു കയ്യിൽ. മറുകയ്യിലെ പേപ്പർ കപ്പിൽ കൊഴു കൊഴുത്ത ഇറാനി ചായ. അതിലേക്കു മുങ്ങുമ്പോൾ ബൺ ഒന്നു തുടുക്കും. പിന്നെയും കാത്തിരിക്കാൻ രുചിപ്രേമികൾക്കു കഴിയില്ല.

ഈയൊരു ചായകുടി അനുഭവിച്ചറിയാൻ വടക്കു മുതൽ തെക്കുവരെ തിരക്കോടു തിരക്കായിരുന്നു നിരത്തുകളിൽ കൊച്ചി പനമ്പിള്ളി നഗറിലേക്കും ചായ കപ്പിൾ എത്തിയതറിഞ്ഞു നാലു മണിയോടെ ഇറങ്ങിയതാണ്. സെൻട്രൽ പാർക്കിന്റെ പിന്നാമ്പുറത്തു പോയി നോക്കി. ഒരാൾക്കുട്ടം. ഇതവരായിരിക്കും. അടുത്തേക്കു പോയതും ഉറപ്പായി. അതെ, അവർ തന്നെ. വരുന്നവരുടെ കയ്യിൽ പേപ്പർ കവറിനുള്ളിൽ എന്തോ ഉണ്ട്. കയ്യിൽ ചായയും.

കാറിന്റെ ഡിക്കി തുറന്നിരിപ്പുണ്ട്. ലക്ഷണങ്ങളെല്ലാം മാച്ചിങ്. ഇത് വൈറലാകാൻ എന്താണീ ചായയിൽ ? കാറിന്റെ ബോണറ്റിനു മുകളിലെ ക്യൂആർ കോഡ് സ്കാൻ ചെയ്തു പേരും ഓർഡറും റജിസ്റ്റർ ചെയ്യാം. സ്കാൻ ചെയ്തു നോക്കിയതും ഫോണിന്റെ സ്ക്രീനിൽ ഒരു ക്ഷമാപണം. "സോറി. ക്യൂ കഴിഞ്ഞു. അടുത്ത വർക്കിങ് സമയത്തു തിരികെ വരൂ.' അതുകൊണ്ട് ബൺ മസ്ക രുചിക്കാൻ മോഹമുണ്ടെങ്കിൽ ഒരുപാടങ്ങ് ആലോചിച്ചു സമയം കളയരുത്. കാറിന്റെ ഡിക്കി തുറക്കുമ്പോഴേ ക്യൂവിൽ സ്ഥാനം പിടിക്കുക.

കുട്ടികൾക്കു കൊടുക്കാമോ?