ഓണപ്പൂക്കൾ

ഓണമെത്തുമ്പോഴേക്കും കൈ പൊള്ളാതെ പൂക്കളമൊരുക്കാൻ ഇപ്പോഴേ പൂന്തോട്ടത്തിൽ നട്ടുപിടിപ്പിക്കാം പൂച്ചെടികൾ.

- ജേക്കബ് വർഗീസ് കുന്തറ റിട്ട. പ്രഫസർ, ബോട്ടണി വിഭാഗം, ഭാരത് മാത കോളജ് എറണാകുളം

ഓണത്തിനു മലയാളിക്ക് അത്തപൂക്കളം ഇടണമെണമെങ്കിൽ അന്യസംസ്ഥാനങ്ങളിൽ നിന്നെത്തണം പൂക്കൾ. പൊള്ളുന്ന വിലയും. ഇനി ഓണമെത്തുമ്പോൾ പൂക്കൾ തേടി അലയേണ്ട. ജമന്തി, സീനിയ, വാടാമല്ലി, സിലോഷ്യ തുടങ്ങിയ ചെടികൾ പൂന്തോട്ടത്തിൽ നട്ടു വളർത്തിക്കോളൂ. തീവില നൽകാതെ മുറ്റത്തൊരുങ്ങട്ടെ ഓണപ്പൂക്കളം.

വേണം നല്ല വിത്ത്

ജമന്തിയുടെ മഞ്ഞ, ഓറഞ്ച് നിറത്തിലുള്ള പൂക്കളാണു പൂക്കളങ്ങളിലെ മിന്നും താരങ്ങൾ. സീനിയയുടെ ചുവപ്പ്, മഞ്ഞ, പിങ്ക്, വെള്ള പൂക്കളോടും സിലോഷ്യയുടെ കടും ചുവപ്പ്, മഞ്ഞ പൂക്കൾ ഉള്ളവയോടും, വാടാമല്ലിയുടെ ഇളം പിങ്ക്, കടും പിങ്ക്, വെള്ള പൂക്കളോടുമുണ്ട് പ്രിയം.

ഈ ചെടികളുടെ വിത്തു വീട്ടിൽ തന്നെ പാകി മുളപ്പി ച്ച തൈകളോ നഴ്സറിയിൽ നിന്നുള്ള തൈകളോ നടാം. "ഇൻഡോഅമേരിക്കൻ ഹൈബ്രിഡ് സീഡ്സ്', 'പാൻ അമേരിക്കൻ' തുടങ്ങിയ ഗുണനിലവാരമുള്ള കമ്പനിയുടെ വിത്തുകൾ തിരഞ്ഞെടുക്കുക.