വിടരും ഇതളഴക്

ഒരടി വലുപ്പമുള്ള ചട്ടിയിലും ചെറുസംഭരണികളിലും വളർത്താം പുതിയ ഇനം താമരയും ആമ്പലും

- ജേക്കബ് വർഗീസ് കുന്തറ റിട്ട. പ്രഫസർ, ബോട്ടണി വിഭാഗം, ഭാരത് മാത കോളജ് എറണാകുളം

താമരയും ആമ്പലും ഭംഗി വിടർത്തുന്ന പൂന്തോട്ടമൊരുക്കിയാലോ? ഇതിനു വേണ്ടി കുളമോ പ്രത്യേക ജലാശയമോ ഒരുക്കേണ്ടതില്ല. ഒരടി വലുപ്പമുള്ള ചട്ടിയോ ചെറുതും വലുതുമായ സംഭരണിയോ മതി. താമരയുടെയും ആമ്പലിന്റെയും പുതു ഇനങ്ങൾ വളർത്തുന്ന വിധമറിയാം.

കീടബാധ ചെറുക്കും പരിചരണം

കുറഞ്ഞത് ഒരടി ആഴത്തിൽ വെള്ളം നിറയ്ക്കാവുന്ന സംഭരണിയുണ്ടെങ്കിൽ താമരയും ആമ്പലും വളർത്താം.

രണ്ടടിയാണു കൂടിയ ആഴം. വലിയ ജലാശയം മുഴുവൻ മണ്ണു നിറച്ചു ചെടി നടേണ്ടതില്ല. പകരം ചട്ടിയിൽ നട്ട ചെടി വെള്ളത്തിൽ ഇറക്കി വച്ചു വളർത്താം.