ചുമയ്ക്കു പിന്നിൽ അപകടകാരികളായ രോഗങ്ങൾ

ചുമ എപ്പോഴും ശ്വാസകോശ രോഗങ്ങൾ മൂലമാകണമെന്നില്ല

- ഡോ.ബി.പത്മകുമാർ

മൂന്നു കുപ്പി കഫ് സിറപ്പ് വാങ്ങിക്കഴിച്ചു. എന്നിട്ടും ചുമ മാറുന്നില്ല. ഈയിടെയായി സാധാരണ കേൾക്കാറുള്ള ഒരു പരാതിയാണിത്. ഓർക്കുക, ചുമ പ്രധാന രോഗലക്ഷണമാണ്. ശ്വാസകോശ പ്രശ്നങ്ങൾ മാത്രമല്ല, ആമാശയത്തെയും അന്നനാളത്തെയും ബാധിക്കുന്ന ചില പ്രശ്നങ്ങളും ക്രോണിക് സൈനസൈറ്റിസും ചില മരുന്നുകളുടെ ഉപയോഗവുമെല്ലാം വിട്ടു മാറാത്ത ചുമയ്ക്കു കാരണമാകാം.

ചുമ വന്നാലുടൻ മെഡിക്കൽ ഷോപ്പിൽ പോയി കഫ് സിറപ്പ് വാങ്ങിക്കുടിക്കുന്ന ശീലം നല്ലതല്ല. കാരണം, ചുമയ്ക്കു പിന്നിൽ അപകടകാരിയായ പല രോഗങ്ങളും ഉണ്ടന്നു വരാം. ചുമയോടൊപ്പമുള്ള അപായ ലക്ഷണങ്ങൾ തിരിച്ചറിഞ്ഞു ഡോക്ടറെ കണ്ടു വിശദപരിശോധന നടത്തു കയാണു ചെയ്യേണ്ടത്.

ശ്വാസനാളിരോഗങ്ങളുടെ ലക്ഷണം