നഴ്സാകാം വെയിൽസിൽ

യുകെയുടെ ഭാഗമായ വെയിൽസിൽ നഴ്സാകാൻ ഇപ്പോൾ അപേക്ഷിക്കാം

- അജിത് കോളശ്ശേരി സിഇഒ (ഇൻ ചാർജ്), നോർക റൂട്ട്സ്

വിദേശ കുടിയേറ്റം സംബന്ധിച്ച വായനക്കാരുടെ തിരഞ്ഞെടുത്ത സംശയങ്ങൾക്കു മറുപടി നൽകുന്നു 

യുകെയുടെ ഭാഗമായ വെയിൽസിൽ ന ഴ്സുമാരുടെ 250 ഒഴിവുണ്ടെന്നു പത്രത്തിൽ വാർത്ത കണ്ടു. ഇതിനായി അപേക്ഷിക്കുന്നത് എങ്ങനെയാണ് ? വേണ്ട യോഗ്യതകൾ എന്തെല്ലാം? അതിന്റെ നടപടിക്രമങ്ങൾ വിശദമായി പറഞ്ഞു തരാൻ കഴിയുമോ ?

 ശില്പ അരുൺ, കോട്ടയം

വെയിൽസ് നാഷനൽ ഹെൽത് സർവീസിന്റെ വിവിധ മേഖലകളിലെ ഒഴിവുകളിലേക്കു സംസ്ഥാന സർക്കാർ റിക്രൂട്ട്മെന്റ് ഏജൻസിയായ നോർക്ക റൂട്ട്സും വെയിൽസ് ഗവൺമെന്റും തമ്മിൽ മാർച്ചിൽ ധാരണപത്രം ഒപ്പുവച്ചിട്ടുണ്ട്. ഇതിൽ നഴ്സുമാർ മാത്രമല്ല ഉള്ളത്. ഡോക്ടർമാർ, പാരാമെഡിക്കൽ പ്രഫഷനലുകൾ, ഡെന്റിസ്ട്രി തുടങ്ങി ആരോഗ്യമേഖലയിലെ വിവിധ തസ്തികകളിലേക്കാണു റിക്രൂട്ട്മെന്റ് ലക്ഷ്യമിടുന്നത്.