ശ്രദ്ധിക്കാം ഈ 7 കാര്യങ്ങൾ

ഉന്നത പഠനത്തിനു തിരഞ്ഞെടുക്കുന്ന സ്ഥാപനങ്ങളെ വിലയിരുത്താൻ ശ്രദ്ധിക്കേണ്ട പ്രധാന കാര്യങ്ങൾ

- ബാബു പള്ളിപ്പാട്ട് കരിയർ വിദഗ്ധൻ, എംജി യൂണിവേഴ്സിറ്റി, കോട്ടയം

പ്ലസ് ടുവിനു ശേഷം ഉന്നതപഠനത്തിനായി തിരഞ്ഞെടുക്കേണ്ട കോളജുകളും സർവകലാശാലകളും എത്ര തരമെന്നും ഓരോന്നിന്റെയും മെച്ചങ്ങൾ എന്തെല്ലാമെന്നും കഴിഞ്ഞ ലക്കത്തിൽ വായിച്ചല്ലോ.

ഇനി ഓരോ സ്ഥാപനങ്ങളെയും എങ്ങനെയാണു വിലയിരുത്തേണ്ടതെന്നു നോക്കാം.

1. റാങ്കിങ്ങും അംഗീകാരവും

തിരഞ്ഞെടുക്കുന്ന സ്ഥാപനത്തിന് ആവശ്യമായ അംഗീ കാരവും അക്രഡിറ്റേഷനും ഉത്തരവാദിത്തപ്പെട്ട സർക്കാ ർ, സർവകലാശാല ഇവയിൽ നിന്നു ലഭിച്ചിട്ടുണ്ടോ എന്ന താകണം പ്രഥമ പരിഗണന പൊതുവെ നമ്മുടെ രാജ്യത്തു രണ്ടുതരത്തിലുള്ള പ്രോഗ്രാമുകളാണു നടക്കുന്നത്. ഒന്ന് പ്രഫഷനൽ പ്രോഗ്രാം. മറ്റൊന്ന് നോൺ പ്രഫഷനൽ പ്രോഗ്രാം പ്രഫഷനൽ പ്രോഗ്രാമുകൾക്ക് അതു നടത്തുന്ന സംസ്ഥാനത്തെ സർക്കാരിന്റെയും സർവകലാശാലകളുടെ  അംഗീകാരത്തിനു പുറമേ ദേശീയതലത്തിൽ അവയെ നിയന്ത്രിക്കുന്ന സ്റ്റാറ്റ്യൂട്ടറി ബോഡികൾ കേന്ദ്രസർക്കാർ രൂപീകരിച്ചിട്ടുണ്ട്. സ്റ്റാറ്റ്യൂട്ടറി ബോഡികളുടെ അംഗീകാരത്തോടുകൂടി പ്രവർത്തിക്കുന്ന പ്രഫഷനൽ കോളജുകൾക്കും പ്രഫഷനൽ പ്രോഗ്രാമുകൾക്കും രാജ്യത്ത് അംഗീകാരം ലഭിക്കൂ. ഉദാഹരണത്തിന് നഴ്സിങ്ങാണു പഠിക്കുന്നതെങ്കിൽ സംസ്ഥാന സർക്കാരിന്റെ അംഗീകാരവും ഡിഗ്രി കൊടുക്കുന്ന സർവകലാശാലയുടെ അംഗീകാ രവും കൂടാതെ ആ സംസ്ഥാനത്തെ നഴ്സിങ് കൗൺസിലി ന്റെയും ദേശീയ നഴ്സിങ് കൗൺസിലിന്റെയും അംഗീകാരം കൂടി വേണം. ഇവിടെ ദേശീയ നഴ്സിങ് കൗൺസിൽ എന്ന തു കേന്ദ്രസർക്കാർ ഏർപ്പെടുത്തിയിട്ടുള്ള നഴ്സിങ്ങിനെ നിയന്ത്രിക്കുന്ന സ്റ്റാറ്റ്യൂട്ടറി ബോഡിയാണ്.